الماتى زووباعىنان مايمىل قاشىپ كەتپەك بولدى

الماتى. قازاقپارات - بۇگىن الماتى حايۋاناتتار باعىندا كەلەڭسىز جاعداي بولدى. پريماتتار بولىمىندەگى پاشا اتتى شيمپانزە قىسقى قورشاۋدان جازعىسىنا اۋىستىرىلاتىن كەزدە تەمىر توردى بۇزىپ، ۆولەردەن سىرتقا شىعىپ كەتتى، دەپ حابارلايدى قازاقپارات ءتىلشىسى.
None
None

الماتى زووباعىنىڭ مالىمەتىنە سايكەس، ءوز اۋماعىنان بولەكتەنىپ قالعاندىقتان، سترەستىك جاعدايعا ۇشىراعان شيمپانزە جۇگىرىپ كەلە جاتىپ، ايەل مەن كىشكەنتاي بالا وتىرعان قولاربانى قاعىپ جىبەرگەن.

«بالا جاراقاتتاندى. زووباق فەلدشەرى العاشقى مەديتسينالىق كومەك كورسەتتى. ارتىنان جەدەل جاردەم شاقىرىلدى. قازىر بالانىڭ دەنساۋلىعىنا قاۋىپ ءتونىپ تۇرعان جوق»، - دەپ حابارلادى زووباقتىڭ باسپا ءسوز قىزمەتى. زووتەحنيكتەر مەن ۆەتەرينارلار جاعدايدى رەتتەپ، شيمپانزەنى ۆولەرگە كىرگىزدى.

«حايۋاناتتار باعىندا جانۋارلاردىڭ قاشۋى سيرەك بولاتىن جاعداي ەمەس. مۇنداي وقيعالاردىڭ سوڭى قايعىلى جاعدايلارعا ۇلاسىپ تا جاتادى. مامانداردىڭ جەدەل قيمىلىنىڭ ارقاسىندا قيىندىق تۋىنداعان جوق»، - دەپ اتاپ ءوتتى زووباق وكىلدەرى.

زووباق باسشىلىعى مەن قىزمەتكەرلەرى زارداپ شەككەن بالانىڭ اتا- اناسىمەن ۇنەمى بايلانىستا بولادى جانە قاجەتتى مەديتسينالىق كومەك كورسەتۋگە دايىن. بۇعان دەيىن الماتى زووباعىنداعى جانۋارلار جازعى ۆولەرگە كوشىرىلىپ جاتقانى جازىلعان بولاتىن.

سوڭعى جاڭالىقتار