اقمولا وبلىسىندا جوعالعان ءبىر ءۇيىر جىلقى كولگە باتىپ كەتكەن بولىپ شىقتى

كوكشەتاۋ. قازاقپارات - اقمولا وبلىسىندا ءتورت ايدان استام ۋاقىت بۇرىن جوعالعان ءبىر ءۇيىر جىلقىنىڭ كولگە باتىپ كەتكەنى انىقتالدى، دەپ حابارلايدى قازاقپارات ءتىلشىسى.
None
None

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، جىلقىلار 2021-جىلدىڭ جەلتوقسانىندا جوعالعان.

بۇل تۋرالى سول كەزدە ەرەيمەنتاۋ اۋداندىق پوليتسيا بولىمىنە جەرگىلىكتى تۇرعىن شاعىمدانادى.

ول 14 جىلقىسى ەركىن جايىلىمدا جۇرگەن جەرىنەن جوعالىپ كەتكەنىن حابارلايدى.

شىعىن كولەمى 7 جارىم ميلليون تەڭگەگە باعالانادى.

«ەرەيمەنتاۋ اۋداندىق پوليتسيا ءبولىمىنىڭ قىزمەتكەرلەرى بارلىق قاجەتتى جەدەل-ىزدەستىرۋ ءىس-شارالارىن جۇرگىزدى. جانۋارلاردىڭ جوعالىپ كەتۋ قاۋپى بار ايماقتاعى جىرالار، بوس جەرلەر، ورمان القاپتارى، سونداي-اق مال تاسىمالداۋمەن اينالىساتىن اۆتوكولىكتەر، مال ەتىن وتكىزۋدىڭ ىقتيمال بازارلارى تەكسەرىلدى. ءسويتىپ، «قىزىل-سور» كولىنەن جىلقىلاردىڭ ولەكسەسى تابىلدى. رەزينالى قايىقتى پايدالانا وتىرىپ، جەدەل ۋاكىلدەر مەن ۋچاسكەلىك ينسپەكتورلار ولاردى ءوز كۇشتەرىمەن شىعارىپ الدى»، - دەدى ۆەدومستۆودان.

كول جارتىلاي تۇششى، جارتىلاي تۇزدى جانە تومەن تەمپەراتۋرادا تولىق مۇزدانۋعا ۇشىرامايدى.

انىقتالعانىنداي، كول بەتىندەگى جۇقا مۇز قاباتى وپىرىلىپ، مال سۋعا باتىپ ولگەن. قىلمىس قۇرامىنىڭ بولماۋىنا بايلانىستى ءىس توقتاتىلدى.

ەسكە سالا كەتسەك، اتىراۋ وبلىسىندا 211 جىلقىنىڭ اۋرۋعا شالدىققانى انىقتالعان ەدى.

سوڭعى جاڭالىقتار