قاڭتار وقيعاسىنا قاتىسقانداردى قاتاڭ جازالاۋ ماقسات ەمەس – ءى ءى م

بۇل تۋرالى ءى ءى م تەرگەۋ دەپارتامەنتىنىڭ باستىعى سانجار ءادىلوۆ ايتتى، دەپ حابارلايدى قازاقپارات ءتىلشىسى.
«ءبىزدىڭ تەرگەۋشىلەر وندىرىستەگى قىلمىستىق ىستەر بويىنشا قىلمىستىق جاۋاپكەرشىلىككە تارتىلاتىن ءار ادامنىڭ جەكە باسىن زەردەلەيدى جانە ولاردى جاپپاي تارتىپسىزدىك بارىسىندا قىلمىس جاساۋعا يتەرمەلەگەن ءمان- جايلاردى انىقتايدى. بۇل رەتتە، بارلىعىن بارىنشا قاتاڭ جاۋاپكەرشىلىككە تارتۋعا باعىتتالعان ماقسات قويىلعان جوق»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
ونىڭ اتاپ وتۋىنشە، ىشكى ىستەر ورگاندارى تەرگەۋشىلەرى «قاڭتار وقيعالارى» بويىنشا نەگىزىنەن جاپپاي تارتىپسىزدىك بارىسىندا جاسالعان ۇرلىقپەن جانە جىمقىرۋدىڭ باسقا دا تۇرلەرىمەن بايلانىستى قىلمىستىق ىستەردى تەرگەيدى.
«جاپپاي تارتىپسىزدىكتىڭ ۇيىمداستىرۋشىلارى مەن قاتىسۋشىلارىنا، سونداي-اق تەرروريستىك شابۋىلدارعا قاتىستى تەرگەۋدى ارناۋلى پروكۋرورلار جۇرگىزەدى»، - دەدى سانجار ءادىلوۆ.