ۋتيل الىمىن جويۋ يمپورتتاۋشىعا عانا ءتيىمدى - رومان سكليار

نۇر-سۇلتان. قازاقپارات – ق ر پرەمەر-ءمينيسترىنىڭ ءبىرىنشى ورىنباسارى رومان سكليار ۋتيل الىمى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.
None
None

«ناۋرىز ايىندا ايتقانىمداي، بۇل ماسەلەگە تەرەڭىرەك قاراۋ كەرەك. بۇل كىمگە ءتيىمدى؟ بۇل ەڭ از جۇمىس ورنىن قۇراتىن، ەشبىر سالىقتى تولەمەيتىن يمپورتتاۋشىلارعا پايدالى. تاعى دا قايتالاپ ايتامىن، ويتكەنى بۇل تاقىرىپ قايتادان كوتەرىلىپ وتىر. مىسالى، اۋىلشارۋاشىلىق تەحنيكاسىن شىعاراتىن مۇحيتتىڭ ار جاعىنداعى ءبىر كومپانيا تاۋارىن بىزگە جىبەرەدى، ءبىراق ونى جىلدار بويى باسقا ەۋروپالىق كومپانيا ساتىپ كەلەدى. ولار قانشا سالىق تولەيدى؟ ءبىز پەتروپاۆلدا ءوندىرىس اشقان باسقا دا كومپانيالار بار دەپ ايتامىز. بۇل سونشالىقتى قىمبات ەمەس، ءبىراق ولار مۇنى جاساعىسى كەلمەيدى، ويتكەنى ولار ۇلكەن مارجاسىن جوعالتىپ جاتىر»، - دەدى رومان سكليار ۇكىمەت وتىرىسىنان كەيىن تىلشىلەرگە بەرگەن سۇحباتىندا.

ونىڭ ايتۋىنشا، ونەركاسىپتىك قۇراستىرۋ تۋرالى زاڭدا ەل اۋماعىندا ورنالاسقان زاۋىت ماشينا جيىنتىعىن تەك ءوندىرۋشى زاۋىتىنان ساتىپ الۋى قاجەتتىگى جازىلعان.

«ونىڭ بارلىق قۇنى اشىق كورسەتىلۋى كەرەك. يمپورتتاۋشى ءونىمدى اكەلگەندە ونىڭ باعاسىن تۇسىنە المايمىز، ويتكەنى ول بىرنەشە دەلدالداردان وتكەن، قانشا قوسقانىن، قالاي ساتاتىنىن بىلمەيمىز. ايىرماشىلىق وسىدا. يمپورتتاۋشى قانشا جۇمىس ورنىن قۇرادى جانە وتاندىق قۇراستىرۋشى كاسىپورىن قانشا جۇمىس ورنىن قۇرادى - ايىرماشىلىق بار. مىنە، ماسەلە وسىندا»، - دەدى ر. سكليار.

بۇعان دەيىن رومان سكليار جەڭىلدەتىلگەن اۆتونەسيەلەۋ باعدارلاماسىنىڭ كەيبىر شارتتارى وزگەرگەنىن ايتقان ەدى.

سوڭعى جاڭالىقتار