اسحات ايماعابەتوۆ پەداگوگتەردى اتتەستاتتاۋدى الىپ تاستاۋ ۇسىنىسىنا پىكىر ءبىلدىردى

نۇر-سۇلتان. قازاقپارات - ق ر ءبىلىم جانە عىلىم ءمينيسترى اسحات ايماعامبەتوۆ پەداگوگتەردى اتتەستاتتاۋدى الىپ تاستاۋ تۋرالى ۇسىنىسقا پىكىر ءبىلدىردى، دەپ حابارلايدى قازاقپارات ءتىلشىسى.

ب ا ق وكىلدەرى ۇكىمەت وتىرىسىنان كەيىن وتكەن باسپا ءسوز ءماسليحاتىندا ق ر ءبىلىم جانە عىلىم ءمينيسترى اسحات ايماعامبەتوۆكە وسىنداي سۇراق قويدى.

«اتتەستاتسيا ءراسىمىن الىپ تاستاۋ - ەڭ كوپ تۇسەتىن ۇسىنىستاردىڭ ءبىرى. ونى مەن جاسىرا المايمىن. مۇنىڭ الدىندا 2018 -جىلدان باستاپ اتتەستاتسيا ەنگىزىلدى. مەن وسى تەستىلەۋدى الىپ تاستايمىز دەسەم، ءبارى بورىكتەرىن اسپانعا لاقتىرىپ، قۋاناتىنى تۇسىنىكتى. ءبىراق بىزگە مۇنداي ارزان پيار قاجەت ەمەس. ەڭ قاجەتى - ءبىلىم بەرۋ ساپاسى»، - دەدى مينيستر.

سونداي-اق ول سالاعا قاتىستى شەشىم قابىلداعاندا ەڭ اۋەلى جەكەلەگەن توپتارعا ەمەس، جالپى حالىققا پايدالى جاعىن نەگىزگە الاتىنىن ءتۇسىندىردى.

«بىزدە ەڭ باستى ماسەلە - جاقسى ءبىلىم الۋ ماسەلەسى. سوندىقتان ءبىز بىرەۋگە ۇناۋ ءۇشىن، بىرەۋدىڭ ءتىلىن تابۋ ءۇشىن وسىنداي شەشىمدەر قابىلدامايمىز. ءبىز ەلگە قاجەتتى شەشىم قابىلدايمىز. بۇل وتە ماڭىزدى ماسەلە. وسىعان كوڭىلدەرىڭىزدى اۋدارامىز»، - دەدى اسحات ايماعامبەتوۆ.

اۆتور: ەسىمجان ناقتىباي