قىرعىزستاندا اقشا اۋدارىمدارىنا وزگەرىس ەنگىزىلدى

بىشكەك. كابار - قازاقپارات - قىرعىزستاندا اقشا اۋدارىمى جۇيەسى جۇزەگە اسىرۋ ەرەجەسىنە ۋاقىتشا وزگەرىس ەنگىزىلدى.

بۇل تۋرالى قىرعىز ۇلتتىق بانكىنە سىلتەمە جاساپ كابار اگەنتتىگى حابارلادى.

اگەنتتىكتىڭ مالىمەتىنشە، قىرعىزستان اۋماعىنداعى تولەم جۇيەلەرى شتاتتىق رەجيمدە جۇمىس ىستەيدى.

بۇل ەلدىڭ ەكونوميكالىق قاۋىپسىزدىگىن قامتاماسىز ەتۋ جانە ىشكى ۆاليۋتا نارىعىنداعى جاعدايدى تۇراقتاندىرۋ ماقساتىندا قابىلدانىپ جاتقان شارا ەكەنى ايتىلدى. وزگەرىس ۋاقىتشا جانە قىرعىزستان اۋماعىندا حالىقارالىق اقشا اۋدارىمدارى جۇيەلەرى بويىنشا اقشا اۋدارىمىن الۋ ۆاليۋتاسىنا قويىلاتىن تالاپتارعا قاتىستى.

اقشا اۋدارىمىن جونەلتۋشى ەلدىڭ ۆاليۋتاسىمەن الۋعا بولادى. اقشا اۋدارىمىن باسقا ۆاليۋتاعا ايىرباستاۋ قىرعىزستان رەسپۋبليكاسىنىڭ زاڭناماسىنا سايكەس جۇزەگە اسىرىلادى.

اۆتور: اقبوپە ءابدراسۋل