جول بويىندا ساۋدا جاساعانى ءۇشىن ۇستالعان ايەل كولىك استىنا تۇسپەكشى بولدى - ۆيدەو

تەكسەرۋگە نارازىلىق بىلدىرگەن ساۋداگەرلەردىڭ ءبىرى كولىكتىڭ استىنا تۇسپەكشى بولدى، دەپ حابارلايدى قازاقپارات ءتىلشىسى.
وقيعانىڭ ۆيدەوسى الەۋمەتتىك جەلىدە تارادى. بەينەجازبادان پوليتسەيلەرگە نارازىلىق ءبىلدىرىپ، اشۋعا بوي الدىرعان ايەلدىڭ كوشەنىڭ ورتاسىنا بارىپ جاتىپ العانىن كورۋگە بولادى. ءوز كەزەگىندە الماتى قالالىق پوليتسيا دەپارتامەنتى روزىباكيەۆ كوشەسى بويىنداعى كوتەرمە بازار ماڭىندا ورنالاسقان ۇيلەردىڭ تۇرعىندارىنىڭ كوپتەگەن ارىز-شاعىم تۇسكەنىن ءمالىم ەتتى.
وسىعان وراي المالى اۋداندىق پوليتسيا ءبولىمىنىڭ ۋچاسكەلىك پوليتسيا قىزمەتكەرلەرى اتالعان اۋدان اكىمىنىڭ تاپسىرماسى بويىنشا جابايى ساۋدانىڭ الدىن الۋ جانە جويۋ ماقساتىندا رەيد جۇرگىزدى. «قۇقىق بۇزۋشىلار اراسىندا - 1962 -جىلى تۋعان ا. ەسىمدى ايەل بولدى. ول پوليتسيا قىزمەتكەرلەرىنىڭ زاڭدى تالاپتارىنا باعىنعىسى كەلمەي جولعا جۇگىرىپ شىقتى. وعان قاتىستى اكىمشىلىك قۇقىق بۇزۋشىلىق تۋرالى 667-باپتىڭ ءبىرىنشى تارماعىبويىنشا اكىمشىلىك حاتتاما تولتىرىلدى»، - دەدى پوليتسيادان.
اۆتور: الما مۇقانوۆا