قاڭتار وقيعاسى كەزىندە زارداپ شەككەندەر وتەماقىسىن الدى

«بۇگىنگى كۇنى قاڭتار وقيعالارىنىڭ ناتيجەسىندە الدىن الا دەرەكتەر بويىنشا 1630 ش و ك سۋبەكتىسى زارداپ شەكتى، ولارعا شامامەن 38,6 ميلليارد تەڭگە سوماسىنا زالال كەلتىرىلدى.
بۇگىنگى كۇنى 1491 ش و ك سۋبەكتىسى جالپى سوماسى 8,3 ميلليارد تەڭگەگە تولەم الدى. اتالعان پروبلەمانى شەشۋ ءۇشىن 2021 -جىلعى 30-جەلتوقساندا مەملەكەت باسشىسى قازاقستان رەسپۋبليكاسىندا كاسىپكەرلىك قىزمەت سالاسىندا جاڭا رەتتەۋشىلىك ساياساتتى ەنگىزۋ ماسەلەلەرى جونىندەگى زاڭعا قول قويدى»، - دەدى ءمينيستردىڭ ورىنباسارى.
ونىڭ سوزىنە قاراعاندا، قاڭتارداعى تارتىپسىزدىكتەر سالدارىنان زارداپ شەككەن شاعىن جانە ورتا بيزنەس سۋبەكتىلەرىن قولداۋ ماقساتىندا بىرنەشە جەدەل شارا قابىلدانىپ وتىن.
ولار: - ش و ك سۋبەكتىلەرىنە كەلتىرىلگەن مۇلىكتىك زياندى وتەۋ؛
- جەكە جانە زاڭدى تۇلعالاردىڭ قارىزدارى بويىنشا تولەمدەردى كەيىنگە قالدىرۋ؛
- سالىقتىق جانە كەدەندىك تەكسەرۋلەر مەن باسقا دا شارالار توقتاتىلدى.
ايتا كەتەيىك، «قازاقستان حالقىنا» قوعامدىق قورى ءتوراعاسىنىڭ ورىنباسارى ءلاززات شىڭعىسبايەۆانىڭ ايتۋىنشا، قاڭتار وقيعاسىندا جازاتايىم قازا بولعانداردىڭ تۋىستارىنا قاراجات بولىنگەن.
اۆتور: ەسىمجان ناقتىباي