10:04, 19 - ءساۋىر 2022 | GMT +6
ۋكراينا ەۋرووداق قۇرامىنا كىرۋ ءۇشىن ارنايى ساۋالناما تولتىردى
نۇر-سۇلتان. قازاقپارات – بۇل تۋرالى وسى ەلدىڭ پرەزيدەنت كەڭسەسى باسشىسىنىڭ ورىنباسارى يگور جوۆكۆا حابارلادى.
ەندى قۇجاتقا سايكەس ەۋروپالىق كوميسسيا ءتيىستى ۇسىنىس دايىنداۋى ءتيىس. كەيىن ماۋسىم ايىندا وتەتىن ەۋروپالىق كەڭەستىڭ وتىرىسىندا ۋكراينا وداق قۇرامىنا ەنەتىن ۇمىتكەر ەل رەتىندە تانىلۋى مۇمكىن.
ايتا كەتەيىك، ۆلاديمير زەلەنسكي ەۋرووداق قۇرامىنا كىرۋ ءۇشىن اقپاننىڭ 28 ى كۇنى رەسمي تۇردە ءوتىنىم جىبەرگەن. ال جۋىردا ۋكرايناعا رەسمي ساپارمەن كەلگەن ەۋروكوميسسيا باسشىسى ۋرسۋلا فون دەر ليايەن ساۋالنامانى زەلەنسكيگە تابىستاعان بولاتىن.
«بۇل ۋكراينانى ەۋرووداققا اپاراتىن قۇجات. حالقىمىز ىشكى جان دۇنيەسىمەن ەۋروپانىڭ مۇشەسى ەكەنىن بۇرىننان- اق سەزىپ جۇرسە دە، كەز كەلگەن مەملەكەت زاڭعا باعىنىپ ءتيىستى قۇجاتتى راسىمدەۋ جولىنان ءوتۋى كەرەك. وكىنىشكە قاراي ءبىز مۇنداي شارانى قيىن كەزەڭدە ورىنداپ وتىرمىز « ، - دەدى ۋكراينا پرەزيدەنتى ۆلاديمير زەلەنسكي.
