09:05, 19 - ءساۋىر 2022 | GMT +5
ساۋل الۆارەس قازاقستاندىق بوكسشىلاردىڭ كۇشىنە ءتانتى بولدى - ۆيدەو
نۇر-سۇلتان. قازاقپارات - ەكىنشى ورتا سالماقتاعى الەمنىڭ ابسوليۋتتى چەمپيونى، مەكسيكالىق ساۋل «كانەلو» الۆارەس قازاقستاندىق بوكسشىلاردىڭ كۇشىنە ءتانتى ەكەنىن ايتىپ، قازاقستانعا ساپار شەگۋدى ويلايتىنىن جەتكىزدى.

قازاقپارات بۇل تۋرالى Sports.kz سايتىنا سىلتەمە جاساپ حابارلايدى.
«قازاقستاندا وتە مىقتى بوكسشىلار بار. بىرنەشە اپتا بۇرىن جاتتىعۋ لاگەرىمىزگە قازاقستاننان بوكسشىلار كەلدى. وتە مىقتى بوكسشىلار. وسىنداي جىگىتتەرى بار قازاقستاندى قۇتتىقتاعىم كەلەدى. الداعى تاياۋ ۋاقىتتا سىزدەردىڭ ەلدەرىڭىزگە مىندەتتى تۇردە بارعىم كەلەدى»، - دەدى مەكسيكالىق چەمپيون.
ايتا كەتەيىك، Suleimen Promotions پروموۋتەرلىك كومپانياسىنىڭ بوكسشىلارى سان-ديەگو قالاسىنداعى (كاليفورنيا شتاتى) «كانەلو» زالىندا بىرنەشە اپتا جاتتىقتى. قازاقستاندىق بوكسشى ايدوس ەربوسىن ۇلى ابسوليۋتتى چەمپيون الۆارەسپەن ءبىر ايدان استام ۋاقىت سپاررينگتەر وتكىزدى.