استانادا وسى اپتادا وتەتىن مادەني ءىس- شارالار اڭداتپاسى جاريالاندى

نۇر-سۇلتان. قازاقپارات - اپتا سايىن مادەنيەت مەكەمەلەرى ەلوردا تۇرعىندارى مەن قوناقتارىنا قىزىقتى ءارى ءتۇرلى جانرداعى ءىس- شارالار، مەرەكەلىك باعدارلامالار ازىرلەيدى.
None
None

وسى اپتادا قويىلىمدار، اسپاپتىق انسامبلدەردىڭ كونسەرتتەرى، كورمەلەر، دارىستەر جانە تاعى دا باسقا شارالار وتەدى.

قازاقپارات بۇل تۋرالى نۇر-سۇلتان اكىمدىگىنىڭ رەسمي سايتىنا سىلتەمە جاساپ حابارلايدى.

ە. راحماديەۆ اتىنداعى مەملەكەتتىك اكادەميالىق فيلارمونيا 19-ءساۋىر كۇنى ساعات 19:00-دە كورەرمەندەردى «استانا وپەراداعى» ك. بايسەيىتوۆانىڭ كامەرالىق زالىنا، «ۋاقىت ايناسى» حور مۋزىكاسىنىڭ كونسەرتىنە شاقىرادى.

22-ساۋىردە ساعات 19:00-دە فيلارمونيا ارتىستەرى كاكىمبەك سالىقوۆتىڭ 90 جىلدىعىنا ارنالعان «جەز كيىك» كونسەرتىندە ونەر كورسەتەدى.

كۇندىز مۇندا «Le Printemps Romantique» سيمفونيالىق وركەسترىنىڭ كونسەرتى وتەدى.

وسى اپتادا «جاستار» سارايىنىڭ الەۋمەتتىك جەلىدەگى پاراقشالارىندا «بالبوبەك» اشىق قالالىق بالالار جانە جاسوسپىرىمدەر شىعارماشىلىعى فەستيۆالىنە قاتىسۋشىلاردىڭ، سونداي-اق «شەبەر ونەر» جوباسى اياسىندا كاسىبي ۇجىمداردىڭ وتكەن جىلدارى كورسەتكەن ونەرى جاريالانادى.

مۋزىكالىق جاس كورەرمەن تەاترى ەكى قويىلىم ۇسىنادى. 21 جانە 22-ساۋىردە ساعات 19:00-دە كورەرمەندەر «شانەل» دەرەكتى دراماسىن، 24-ساۋىردە ساعات 18:00-دە «ءشامشى» ميۋزيكلىن تاماشالاي الادى.

م. گوركي اتىنداعى مەملەكەتتىك اكادەميالىق ورىس دراما تەاترى 19-ءساۋىر كۇنى ساعات 19:00-دە ۆ. گۋركيننىڭ «نارودنايا كادريل» ليريكالىق كومەدياسىن، ال كەشكە ن. گوگولدىڭ «گوگول. پەتەربۋرگ» ساحنالىق قويىلىمىن جوسپارلاپ وتىر. 23-ءساۋىر كۇنى ساعات 11:00-دە تەاتر جاس كورەرمەندەر ءۇشىن ا. بولدينوۆتىڭ «پريكليۋچەنيا ايستەنكا» ەرتەگىسىن قويادى.

سول كۇنى كەشكە ۆ. شۋكشيننىڭ «سۆەتلىە دۋمى» اڭگىمەسىنەن ساحنالىق قويىلىمدى كورۋگە بولادى.

قۋىرشاق تەاترىندا 22-ءساۋىر ساعات 16:00-دە جانە 23-24-ساۋىردە 12:00، 14:00، 16:00 ۋاقىتىندا حالىق ەپوسىنىڭ جەلىسى بويىنشا ق. ەجەمبەكتىڭ «ەر توستىك» قويىلىمى وتەدى. 22-ساۋىردە كرەاتيۆتى يندۋستريانى دامىتۋ ورتالىعى NOMAD City Hall-دا «كوڭىلدى تاپقىرلار الاڭى» ليگانىڭ ءبىرىنشى كەزەڭىن ۇيىمداستىرادى.

ال 23 جانە 24-ساۋىردە شارا جيەنقۇلوۆانىڭ 110 جىلدىعىنا ارنالعان حورەوگرافتار مەن بالەتمەيستەرلەردىڭ «قاماجاي» رەسپۋبليكالىق كونكۋرسىن وتكىزەدى.

«جاستار» تەاترى 19 جانە 20-ساۋىردە س. قاسىمبەكتىڭ «ليفت» پسيحولوگيالىق دراماسىنا شاقىرادى. 21-ءساۋىر كۇنى ساعات 11:00-دە «ۇر توقپاق» قازاق حالىق ەرتەگىسى، 23-ءساۋىر ساعات 19:00-دە س. رايەۆتىڭ «جۇماققا قاراي ۇزاق جول» قويىلىمى، ال بىرنەشە ساعاتتان كەيىن ن. ءورازاليننىڭ «قىلكوپىر» دراماسى كورسەتىلەدى.

24-ساۋىردە جاستاردىڭ ورىنداۋىندا ش. ايتماتوۆ، و. بوكەي، ر. مۇقانوۆانىڭ شىعارمالارى نەگىزىندە «عاسىردان دا ۇزاق» تريپتيحىن كورۋگە بولادى.

ورتالىقتاندىرىلعان كىتاپحانالار جۇيەسى كۇندەلىكتى ءىس- شارالاردى وقىرماندى مۇمكىندىگىنشە كوپ تارتۋ ءۇشىن ۇيىمداستىرىپ كەلەدى. 20-ءساۋىر كۇنى ورتالىق قالالىق كىتاپحانانىڭ قىزمەت كورسەتۋ بولىمىندە «قازاقتىڭ ءبىرتۋار ءانشىسى امىرە قاشاۋبايەۆ» اتتى سلايد-پرەزەنتاتسيا وتەدى. وسى كۇنى №2-بۇقارالىق كىتاپحانادا «ءان ونەرىنىڭ ساڭعالى - امىرە» ادەبي مۋزىكالىق ساعاتى، №2-بالالار كىتاپحاناسىندا «جۇرەگىمە جول تارتقان سۇيىكتى ولكەم» تانىمدىق ساعاتى، №8-بالالار كىتاپحاناسىندا «زياندى ادەتتەر. ءومىر بوس ءوتىپ كەتپەس ءۇشىن...» ءىس- شارالارى وتەدى. 21-ساۋىردە ورتالىق بالالار مەن جاسوسپىرىمدەر كىتاپحاناسى وقىرمانداردى «ءبىز كىتاپحاناعا بارامىز» تانىمدىق ساعاتىنا شاقىرادى. سول كۇنى تۇستەن كەيىن ورتالىق قالالىق كىتاپحانانىڭ قىزمەت كورسەتۋ ءبولىمى «مۇنىڭ ءبارى ول تۋرالى» ۆيكتوريناسىن، №5-بالالار كىتاپحاناسى - «كىتاپتى اشامىن - الەمدى اشامىن» اقپاراتتىق ساعاتىن، №2-بالالار كىتاپحاناسى - «عاجايىپتاردىڭ عاجايىبى» اقپارات ساباعىن وتكىزەدى.

23-ءساۋىر كۇنى № 10-بۇقارالىق كىتاپحانادا «كىتاپ - ماڭگىلىك ەلدىڭ قۇندىلىعى» اتتى ادەبي مارافون وتەدى. 24-ءساۋىر كۇنى № 3 كوپشىلىك كىتاپحاناسى «ونەگەگە تولى ءومىر» اتتى ادەبي- كوركەم ساعاتقا شاقىرادى.

ساياسي قۋعىن-سۇرگىن جانە توتاليتاريزم قۇرباندارىنىڭ «الجير» مەموريالدى- مۇراجاي كەشەنى 20-ساۋىردە «تاعدىر توعىستىرۋشى ءجىپ» تاقىرىبىندا ءدارىس وتكىزەدى.

وسى اپتادا ساكەن سەيفۋللين مۋزەيى الەۋمەتتىك جەلىلەردەگى اككاۋنتتارىندا «ساكەن سەيفۋللين 1964 ج.» دەرەكتى فيلمىنىڭ ءبىرىنشى ءبولىمىن كورسەتەدى، سونىمەن قاتار ءداستۇرلى بەينە تۋرىن وتكىزەدى.

19-ساۋىردە «ماڭگىلىك ەل» سالتانات قاقپاسىندا «قازىبەك ءبيدىڭ تۋعانىنا 355 جىل» ونلاين- ساباعى وتەدى.


سوڭعى جاڭالىقتار