ەلوردا تۇرعىندارىنىڭ نارازىلىعىن تۋدىرعان جول قيىلىسىنا باعدارشام ورناتىلادى

ەلوردا تۇرعىندارى ق. مۇحامەدحانوۆ كوشەسىنىڭ بويىنداعى جول قيىلىسىنا باعدارشام ورناتىپ، كولىك قوزعالىسىن رەتتەۋدى سۇرايدى. قالالىق اكىمدىكتىڭ باسپا ءسوز قىزمەتى ق. مۇحامەدحانوۆ كوشەسى مەن تۇران داڭعىلى قيىلىسىندا باعدارشامدار قولدانىستاعى زياتكەرلىك كولىك جۇيەسىنىڭ (ITS) قۇرامىنا كىرەتىنىن حابارلادى.
قيىلىساتىن باعىتتاردىڭ باسىمدىعى بويىنشا شەشىم كولىك اعىنى قوزعالىسىنىڭ قارقىنىن ايقىنداۋ ارقىلى اۆتوماتتى تۇردە قابىلدانادى. سونداي-اق، رەسمي جاۋاپتا جىل سوڭىنا دەيىن BI City Tokyo جانە Manhattan تۇرعىن ءۇي كەشەنى اۋدانىندا باعدارشامنىڭ ورناتىلاتىنى ايتىلعان.
ودان بولەك، تۇرعىندار قوعامدىق كولىك ماسەلەسىن دە قوزعاپ وتىر.
ايتۋلارىنشا، جولاۋشىلاردى كوشەنىڭ قيىلىسىنا ءتۇسىرىپ كەتەدى. ول جەردە قوعامدىق كولىك بەلگىسى بار، ءبىراق ايالداما جوق.
«ايتماتوۆ كوشەسى بويىنداعى «پامير» جانە «سەۋل» تۇرعىن ءۇي كەشەنى ماڭىنداعى ايالدامانى جەلدەن قورعايتىن كۇتۋ پاۆيلونىن ورناتۋ قاراستىرىلعان. جوبانى ىسكە اسىرۋ 2022-2023 -جىلدارعا بەلگىلەنىپ وتىر»، - دەلىنگەن رەسمي ساۋال جاۋابىندا.
تۇرعىنداردىڭ مالىمدەۋىنشە، اتالعان اۋداندا «سەرگەك» بەينەباقىلاۋ كامەراسى دا جوق.
«بۇگىنگى تاڭدا جوبا اياسىندا «سەرگەك» اپپاراتتىق- باعدارلاما كەشەنى ورناتىلعان. جوبانى كەڭەيتۋ جانە قارجىلاندىرۋ جاعدايىندا نۇر-سۇلتان قالاسىنىڭ پوليتسيا دەپارتامەنتىمەن كەلىسۋ كەزىندە وسى مەكەنجاي بويىنشا «سەرگەك» ا و ك قوسىمشا ورناتۋ جۇزەگە اسىرىلادى»، - دەپ تولىقتىردى قالالىق كولىك جانە جول-كولىك ينفراقۇرىلىمىن دامىتۋ باسقارماسىنان.
اۆتور: ءالي يبرايەۆ