قازاقستان جاس وسپىرىمدەر قۇراماسى الەم چەمپيوناتىنا ىرىكتەۋ تۋرنيرىن جەڭىسپەن باستادى

نۇر-سۇلتان. قازاقپارات - ءۇندىستاننىڭ نيۋ-دەلي قالاسىندا 14 جاسقا دەيىنگىلەر اراسىندا الەم چەمپيوناتىنا ازيا/تىنىق مۇحيت ايماعىنان ىرىكتەۋ تۋرنيرى باستالدى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسى ءمالىم ەتكەنىندەي، قازاقستاندىق قىزدار D توبىندا العاشقى ماتچىندا نەپال قۇراماسىن 3:0 ەسەبىمەن ويسىراتا ۇتتى.

ءساتيما تورەگەن اديا پوديالعا بىردە-ءبىر گەيم بەرگەن جوق - 6:0، 6:0.

اريانا گوگۋلينا سۋنيرا تاپاعا ەش مۇمكىندىك قالدىرعان جوق - 6:1، 6:1.

جۇپتىق سىندا ەۆا كورىشيەۆا مەن ءساتيما تورەگەن دە قارسىلاستارىن بەت قاراتپاي جەڭدى - 6:1، 6:0.

ەرتەڭ قازاقستاندىق جاس وسپىرىمدەر يران قۇراماسىمەن وينايدى.

بۇگىن يراندىقتار وزبەكستانعا 1:2 ەسەبىمەن جول بەردى.

ەسكە سالا كەتەيىك، بۇدان بۇرىن قازاقستان جاس وسپىرىمدەر قۇراماسىنىڭ قارسىلاستارى انىقتالعانىن، قازاقستاندىق تەننيسشىلەردىڭ الەمدىك رەيتينگىدە جوعارى كوتەرىلگەنىن جازعان بولاتىنبىز.