اشەكەيلەرگە قالاي دۇرىس كۇتىم جاساۋ كەرەك؟

نۇر-سۇلتان. قازاقپارات - كوپشىلىك ايەل اشەكەيلەردى ەرەكشە جاقسى كورەدى.
None
None

اشەكەيلەر كيىم ۇلگىسىن تولىقتىرۋعا كومەكتەسەدى جانە ولار ارقىلى وزىندىك ءستيلىن قالىپتاستىرۋعا بولادى. سونداي-اق، ايەلدەر ءۇشىن كەي اشەكەيلەردىڭ ورنى بولەك: ولارمەن قانداي دا ءبىر ماڭىزدى وقيعا بايلانىستى بولۋى مۇمكىن.

اشەكەيلەرگە كۇتىم جاساۋعا ارنالعان 5 امبەباپ ۇسىنىسپەن بولىسەمىز.

اشەكەيلەردى ءسۇرتىپ تۇرىڭىز

ۋاقىت وتە كەز كەلگەن مەتالل قارايادى. سوندىقتان جۇيەلى تۇردە اشەكەيلەردى قۇرعاق فلانەل، كۇدەرى نەمەسە شۇعادان تىگىلگەن شۇبەرەكپەن ءسۇرتىپ تۇرۋ كەرەك.

فيزيكالىق جۇكتەمە كەزىندە اشەكەيدى شەشىپ تاستاڭىز

كەز كەلگەن قاتتى مەحانيكالىق اسەردەن اشەكەيدىڭ مەتال بولىگى سىرىلىپ قالۋى نەمەسە وزگەرىسكە ۇشىراۋى مۇمكىن. ال تاستاردا جىرىقتار پايدا بولادى. سوندىقتان جاتتىعۋ نەمەسە باسقا دا فيزيكالىق بەلسەندىلىكتىڭ الدىندا اشەكەيلەردى شەشۋدى ۇمىتپاڭىز. سونداي-اق، اشەكەيمەن بىرگە تەمپەراتۋراسى جوعارى جەرلەرگە، مىسالى، مونشاعا كىرۋگە بولمايدى.

اشەكەيدى تۇرمىستىق حيميامەن جانە كوسمەتيكامەن بايلانىستىرماڭىز

ەگەر اشەكەيلەر كوسمەتيكالىق جانە تۇرمىستىق جۋۋشى قۇرالدارمەن بايلانىسسا، ولاردا داقتار پايدا بولۋى، ءتۇسىنىڭ وزگەرۋى جانە مەتال بەتىنىڭ زاقىمدالۋى مۇمكىن. مۇنداي سالدار تونالدى كرەم، كۇنگە كۇيۋگە ارنالعان لوسون، ءاتىر جانە باسقا دا كوسمەتيكالىق قۇرالدارمەن ۇزاق ۋاقىت اسەرلەسكەندە دە ورىن الۋى مۇمكىن.

ءىنجۋى جانە تابيعي تاستارى بار اشەكەيلەرگە دۇرىس كۇتىم جاساڭىز

ءىنجۋى جانە تابيعي تاستارى بار اشەكەيلەردىڭ ءتۇسىن جانە جالتىرىن ساقتاۋ ءۇشىن ولاردى كۇننىڭ كوزى تىكە تۇسپەيتىن جەردە ساقتاۋ كەرەك. سونداي-اق، ولار يودتالعان تەڭىز سۋىن جاقسى كورمەيدى: جاعاجايعا باراردا ولاردى ۇيدە قالدىرىڭىز. ەگەر شەشۋگە ۇمىتىپ كەتكەن بولساڭىز، سۋعا ءتۇسىپ بولعان سوڭ اشەكەيلەردى تۇشى سۋعا شايىپ جىبەرىپ، قۇرعاتىپ ءسۇرتىڭىز.

اشەكەيلەردى قاپتامادا ساقتاڭىز

اشەكەيلەردى ارنايى قوراپشادا ساقتاعان ءجون. اشەكەيلەر سالاتىن ارنايى ساندىقتىڭ ىشىندە ساقينا جانە سىرعا سالاتىن قالتالارى بولادى. ال القالاردى ءىلىپ قويعان دۇرىس.

massaget.kz


سوڭعى جاڭالىقتار