پولشا-بەلارۋس شەكاراسىندا ەۋرووداقتان شىقپاق بولعان جۇك كولىكتەرى ءتىزىلىپ تۇر

اگەنتتىكتىڭ مالىمەتىنشە، رەسەيلىك جانە بەلارۋس جۇك تاسىمالداۋشىلارى ە و- دان سانكسيالار مەرزىمى اياقتالعانشا شىعىپ كەتۋگە تىرىسۋدا.
ەۋرووداق ءدارى-دارمەك، پوشتا نەمەسە مۇناي ونىمدەرىن تاسىمالدايتىنداردى قوسپاعاندا، رەسەي مەن بەلارۋستەن كەلەتىن جۇك كولىكتەرىنە ەۋرووداق اۋماعىنا كىرۋگە نەمەسە سوندا قالۋعا تىيىم سالدى. كولىكتەردىڭ كەزەگى 80 شاقىرىمعا دەيىن سوزىلعان.
ايتا كەتەيىك، ەكى شەكارا بەكەتىندەگى جۇك كولىكتەرىنىڭ سانى 230 دان 400 گە دەيىن جەتەدى.
بەلارۋس كولىك مينيسترلىگى ەۋرووداققا مۇشە ەلدەردە تىركەلگەن كولىكتەرگە قاتىستى ولارعا قارسى شارالار قابىلدادى.
«2022-جىلعى 16- ساۋىردە ساعات 00:00 دەن باستاپ ەۋروپالىق وداق اۋماعىندا تىركەلگەن اۆتوكولىكتەردى (جانە تىركەپ سۇيرەيتىن كولىكتەردى) ەۋرازيالىق ەكونوميكالىق وداقتىڭ كەدەندىك شەكاراسى ارقىلى بەلارۋسكە وتكىزۋگە تىيىم سالىنادى»، - دەپ حابارلايدى بەلارۋس كولىك مينيسترلىگىنىڭ سايتى.
ولاردىڭ جۇك وپەراتسيالارىن جانە قايتا اعىتۋدى جۇزەگە اسىرۋ ءۇشىن بەلگىلى ءبىر وتكىزۋ پۋنكتىلەرى ارقىلى ارنايى بەلگىلەنگەن ورىندارعا جۇرۋىنە بۇل تالاپ قولدانىلمايدى.