قىتايدىڭ ەسكى كولىك نارىعى كوروناۆيرۋسقا بايلانىستى قۇلدىرادى

بۇل تۋرالى قىتايلىق اۆتوموبيل ديلەرلەر قاۋىمداستىعى ءمالىم ەتتى، دەپ حابارلايدى قازاقپارات مەنشىكتى ءتىلشىسى.
قاۋىمداستىقتىڭ مالىمەتىنشە، قىتايدا پايدالانىلعان اۆتوموبيلدەردىڭ ساتىلىمى ناۋرىز ايىندا %16 عا، 1,32 ميلليون كولىككە دەيىن تومەندەدى.
جاسالعان مامىلەلەر قۇنى 14,24 ميلليارد دوللاردى قۇرادى. وتكەن ايدا ءبىرقاتار ديلەرلەر ءوز قىزمەتىن توقتاتتى.
قىتايلىق اۆتوموبيل ديلەرلەرى قاۋىمداستىعى ەلدەگى پايدالانىلعان اۆتوموبيلدەر نارىعى كوروناۆيرۋس ىندەتىنە بايلانىستى جاقىن ارادا اسا جاندانبايتىنىن اتاپ ءوتتى.
ءساۋىر ايىندا مامىلەلەر كولەمى %10 دان اسادى (وتكەن جىلدىڭ سايكەس كەزەڭىمەن سالىستىرعاندا) دەپ كۇتىلۋدە.
سونىمەن بىرگە، COVID-19 پاندەمياسىنا دەيىن قىتايلىق اۆتوديلەرلەر پايدالانىلعان اۆتوموبيلدەردى شەتەلگە ساتۋ گەوگرافياسىن كەڭەيتە باستاعانىن اتاپ وتكەن ءجون.
بۇعان قىتاي بيلىگىنىڭ 2019-جىلى ساتىلعان بارلىق اۆتوكولىكتەرگە شىعارىندىلاردىڭ قاتاڭ ستاندارتتارىن ەنگىزۋى سەبەپ بولدى.
جەرگىلىكتى ب ا ق جازعانداي، 2019-جىلى قىتايلىق اۆتوديلەرلەر كامبودجا، نيگەريا، ميانما جانە رەسەي سياقتى ەلدەرگە پايدالانىلعان اۆتوموبيلدەردى ەكسپورتتاي باستادى.
قىتايدىڭ اۆتوكولىك ديلەرلەرى افريكا ەلدەرىندە پايدالانىلعان كولىكتەردى ساتۋدىڭ كەڭ پەرسپەكتيۆالارىن كورەدى. سونىمەن قاتار، ءىرى قىتايلىق اۆتوكولىك وندىرۋشىلەردىڭ ءبىرى BYD Co. Ltd. كومپانياسى ناۋرىزدا ءوز بيزنەسىن تولىعىمەن ەلەكتر كولىكتەرىنە قايتا باعىتتاپ، قاتتى وتىنمەن جۇرەتىن كولىكتەردىڭ ءوندىرىسىن توقتاتتى.
2021-جىلى BYD Co. Ltd ءبىرىنشى رەت ىشتەن جانۋ قوزعالتقىشتارى بار كولىكتەرگە قاراعاندا ەلەكتر كولىكتەرىن كوبىرەك ساتتى. وتكەن جىلى BYD ەلەكتروموبيلدەرىن ساتۋ كولەمى %200 دان استام وسىممەن 600 مىڭ بىرلىكتەن استى.