ە ا ە و اۋماعىندا توڭازىتقىشتار مەن مۇزداتقىشتار اينالىمى باقىلاۋعا الىنادى

قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى 2022-جىلعى 1- شىلدەدەن باستاپ ەۋرازيالىق ەكونوميكالىق وداق اۋماعىندا 2023-جىلعى 31- ناۋرىزدى اياقتاۋ مەرزىمىمەن قاداعالاپ وتىرۋ تەتىگىن ەنگىزۋ جونىندەگى پيلوتتىق جوبا ىسكە قوسىلاتىنىن حابارلادى.
پيلوتتىق جوبا شەڭبەرىندە قاداعالاۋ جۇزەگە اسىرىلاتىن تاۋارلار تىزبەسىنە سىرتقى ەكونوميكالىق قىزمەتتىڭ تاۋار نومەنكلاتۋراسىنىڭ 11 كودى (تۇرمىستىق توڭازىتقىشتار مەن مۇزداتقىشتار) ەنگىزىلدى.
سونىمەن قاتار، 2022-جىلعى 1- شىلدەدە ەۋرازيالىق ەكونوميكالىق وداقتىڭ كەدەندىك اۋماعىندا ءىس جۇزىندە بولاتىن قاداعالاۋعا جاتاتىن تاۋارلار جانە وسىنداي تاۋارلاردىڭ اينالىمىمەن بايلانىستى وپەراتسيالار تۋرالى مالىمەتتەر پيلوتتىق جوبانى ىسكە اسىرۋ باستالعان كۇننەن باستاپ ءبىر اي ىشىندە ەلەكتروندىق شوت-فاكتۋرالاردىڭ اقپاراتتىق جۇيىسىنە ەنگىزىلۋگە جاتادى.
ەلەكتروندىق شوت-فاكتۋرالاردىڭ اقپاراتتىق جۇيەسىندە مۇنداي مالىمەتتەر بولماعان كەزدە ءبىر مۇشە مەملەكەتتىڭ اۋماعىنان ەۋرازيالىق ەكونوميكالىق وداققا ەكىنشى مۇشە مەملەكەتتىڭ اۋماعىنا وتكىزۋگە جول بەرىلمەيدى.
«جوعارىدا كورسەتىلگەن تاۋارلار تىزبەسى ەۋرازيالىق ەكونوميكالىق كوميسسيا كەڭەسىنىڭ 2022-جىلعى 21- قاڭتارداعى 2№ شەشىمىمەن بەكىتىلگەن. بۇل شەشىممەن مىنا سىلتەمە بويىنشا تانىسۋعا بولادى «، - دەلىنگەن حابارلامادا.
وسىعان دەيىن ە ا ە و اياسىندا يمپورتتىق كەدەن باجى بۇرىنعىداي ا ق ش دوللارىمەن الىناتىنى حابارلانعان بولاتىن.