ق ر س ءى م قازاقستان ەلشىلىگى وكىلدەرىنىڭ كيەۆكە قايتقانى تۋرالى اقپاراتقا تۇسىنىكتەمە بەردى

نۇر- سۇلتان. قازاقپارات – ق ر سىرتقى ىستەر مينيسترلىگى قازاقستان ەلشىلىگى وكىلدەرىنىڭ كيەۆكە قايتىپ بارعانى تۋرالى اقپاراتقا تۇسىنىكتەمە بەردى، دەپ حابارلايدى قازاقپارات ءتىلشىسى.

الەۋمەتتىك جەلىدە قازاقستاننىڭ ۋكرايناداعى ەلشىلىگى وكىلدەرىنىڭ كيەۆكە قايتىپ بارعانى تۋرالى مالىمەت تاراعان بولاتىن. وسىعان بايلانىستى ق ر سىرتقا ىستەر مينيسترلىگى تۇسىنىكتەمە بەردى.

«ءبىزدىڭ ەلشىلىك لۆوۆ قالاسىندا ءوز جۇمىسىن جالعاستىرۋدا. ەلشىلىك عيماراتىن كۇزەتۋ جانە وعان كۇتىم جاساۋدى قامتاماسىز ەتۋ ءۇشىن قىزمەتكەرلەردىڭ ءبىرى كيەۆكە جىبەرىلدى»، - دەلىنگەن مينيسترلىكتىڭ باسپا ءسوز قىزمەتى ۇسىنعان مالىمەتتە.

ق ر ىشكى ىستەر مينيسترلىگىنىڭ مالىمەتى بويىنشا، جىل باسىنان بەرى قازاقستانعا رەسەيدەن 130 مىڭعا جۋىق ادام كەلدى، ونىڭ 120 مىڭى كەرى ورالعان. ال ۋكراينانىڭ 3481 ازاماتى ەلدە ءجۇر.