مينيستر سۋپەرپرەزيدەنتتىك پەن پرەزيدەنتتىك فورمانىڭ اراجىگىن ءتۇسىندىردى

نۇر- سۇلتان. قازاقپارات - پرەزيدەنتتىڭ كەيبىر وكىلەتتىكتەرىن جوياتىن زاڭ جوباسى ءماجىلىستىڭ قاراۋىنا وسى ايدا ەنگىزىلەدى.
None
None

بۇل تۋرالى ق ر ادىلەت ءمينيسترى قانات مۋسين ايتتى، دەپ حابارلايدى قازاقپارات ءتىلشىسى.

«بۇرىن پرەزيدەنتتە اۋدان اكىمدەرىن تاعايىنداۋ، ولاردى لاۋازىمنان بوساتۋ، شەشىمدەرىن وزگەرتۋ نەمەسە كۇشىن جويۋ وكىلەتتىگى بولدى. ءبىراق بۇل پرەزيدەنتتىڭ جۇمىسى ما؟ ارينە، جوق. سۋپەرپرەزيدەنتتىك فورما دەگەن وسى. بۇكىل مەملەكەتتىك باسقارۋ جۇيەسىن تۇبىنە دەيىن جەتىپ، ولاردى جوندەپ وتىرۋ - بۇل سۋپەرپرەزيدەنتتىك فورما. قازىر پرەزيدەنت مۇنداي وكىلەتتىكتەردەن ارىلىپ جاتىر. ونى شەشەتىن وبلىس اكىمى، باسقارۋ دەڭگەيىنىڭ ءتۇرلى وكىلدەرى بار. سول دەڭگەيدە شەشىلۋى ءتيىس. سۋپەرپرەزيدەنتتىكتەن كەتىپ، پرەزيدەنتتىك فورماعا كوشۋ دەگەنىمىز وسى. بۇل ءبىر عانا مىسالى»، - دەدى قانات مۋسين ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.

ونىڭ ايتۋىنشا، «قازاقستان رەسپۋبليكاسىنىڭ پرەزيدەنتى تۋرالى» كونستيتۋتسيالىق زاڭعا جانە باسقا دا ءبىرقاتار زاڭدارعا ەنگىزىلەتىن وزگەرىستەردى جۇمىسشى توبى پىسىقتاپ جاتىر.

«سوڭعى كەزەڭىنە شىقتىق. جوسپار بويىنشا ءساۋىردىڭ سوڭىنا دەيىن زاڭ جوباسى ءماجىلىس قاراۋىنا ەنگىزىلۋى ءتيىس»، - دەدى مينيستر.

اۆتور: مارلان جيەمباي

سوڭعى جاڭالىقتار