سەمەي پوليگونى اۋماعىندا تۋعان قازاقستاندىقتار جاڭا كومەك الا الادى
مەملەكەتتىك قىزمەتتىڭ كومەگىمەن ازاماتتارعا جەڭىلدىكتەر مەن وتەماقىلارعا قۇقىعىن راستايتىن كۋالىك الۋ مۇمكىندىگى بەرىلەدى. جاڭا قىزمەت eGov.kz پورتالىندا تەگىن كورسەتىلەدى جانە 2022 -جىلدان باستاپ قولجەتىمدى.
قىزمەت ىسكە قوسىلعاننان بەرى 311 ازامات ونلاين رەجيمىندە كۋالىك پەن وتەماقى الۋعا ءوتىنىش بەردى. وسىنداي قىزمەت ەلىمىزدەگى ح ق ك و- نىڭ كومەگىمەن دە كورسەتىلەدى. تەك 2021 -جىلدىڭ وزىندە 7 مىڭعا جۋىق ادام قاعاز تۇرىندە ءوتىنىش بەرگەن.
«بۇل قىزمەت بۇرىن ح ق ك و ارقىلى قاعاز تۇرىندە عانا كورسەتىلەتىن. ازاماتتاعا ىڭعايلى بولۋ ءۇشىن مەملەكەتتىك ورگاندارمەن بىرلەسىپ، قىزمەتتى ونلاين فورماتقا كوشىردىك. بۇل سەمەي ءوڭىرىنىڭ تۇرعىندارى ءۇشىن وتە ماڭىزدى ءارى قاجەتتى قىزمەت دەپ ويلايمىز.
«ۇ ا ت» ا ق ۇجىمىنىڭ اتقارعان جۇمىسىنىڭ ارقاسىندا ونلاين مەملەكەتتىك قىزمەتتەردىڭ ءتىزىمى كۇننەن- كۇنگە ءوسىپ كەلەدى»، - دەپ «ۇ ا ت» اق باسقارما ءتوراعاسى روستيسلاۆ كونياشكين اتاپ ءوتتى.
قىزمەتتى پايدالانۋ ءۇشىن egov.kz پورتالىنا كىرىپ، باستى بەتتە «الەۋمەتتىك قامسىزداندىرۋ» ءبولىمىن اشىپ، «وتباسىلارعا كومەك» تارماعىن تاڭداپ، قاجەت قىزمەتتى تاڭداۋ كەرەك. ءارى قاراي، پايدالانۋشى:
- پورتالدا اۆتوريزاتسيالانادى؛
- ونلاين قىزمەتكە تاپسىرىس بەرەدى؛
- بارلىق قاجەتتى جولداردى تولتىرادى؛
- ە س ق نەمەسە ەكى فاكتورلى اۋتەنتيفيكاتسيا كومەگىمەن وتىنىمگە قول قويادى. مەملەكەتتىك قىزمەتتى كورسەتۋ ناتيجەسى 20 جۇمىس كۇنى ىشىندە دايىن بولادى.
