ساياسي لاۋازىمدا وتىرعان پرەزيدەنت تۋىستارى قىزمەتىنەن كەتەدى

نۇر- سۇلتان. قازاقپارات - كونستيتۋتسياعا پرەزيدەنتتىڭ جاقىن تۋىستارىنىڭ جوعارى لاۋازىمدارعا وتىرۋىنا تىيىم ەنگىزىلەدى. زاڭ كۇشىنە ەنگەننەن كەيىن پرەزيدەنت تۋىستارى لاۋازىمدارىن بوساتادى.
None
None

بۇل تۋرالى ق ر ادىلەت ءمينيسترى قانات مۋسين ايتتى، دەپ حابارلايدى قازاقپارات ءتىلشىسى.

«مينيسترلەر مەن ولاردىڭ ورىنباسارلارى جايىندا ايتقانىمدا كەيبىر لاۋازىمداردى عانا اتاپ وتكەن ەدىم. جالپى، كونستيتۋتسياعا پرەزيدەنتتىڭ جاقىن تۋىستارىنا ساياسي لاۋازىمدارعا ورنالاسۋىنا تىيىم ەنگىزىلەدى. ساياسي لاۋازىمداردىڭ ءتىزىمى بارىنشا كەڭ. وعان بەلگىلى ءبىر دارەجەدەگى ديپلوماتيالىق قىزمەتكەرلەر دە كىرەدى. ولاردى تولىق ءتىزىپ شىققان جوقپىن. ساياسي لاۋازىمداردى ءتىزىمى اشىق، قولجەتىمدى. سوندىقتان كەز كەلگەن ادام قاراپ، قورىتىندى شىعارا الادى»، - دەدى مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.

وسى رەتتە قانات مۋسين ب ا ق وكىلدەرىنىڭ پرەزيدەنتتىڭ جاقىن ءبىر تۋىسىنىڭ شەت مەملەكەتتە ەلشى قىزمەتىن اتقارىپ جۇرگەنىنە قاتىستى ساۋالىنا جاۋاپ بەردى.

«مۇنداي تىيىم ەنگىزىلگەننەن كەيىن بارلىعى زاڭناماعا سايكەس كەلتىرىلەدى. ول بۇل لاۋازىمدى بوساتادى. ويتكەنى، زاڭعا سايكەس ول بۇل قىزمەتتى اتقارا المايدى»، - دەدى ول.

اۆتور: مارلان جيەمباي

سوڭعى جاڭالىقتار