جالعا بەرىلەتىن تۇرعىن ءۇيدى سۋبسيديالاۋعا ءوتىنىم قابىلداۋ باستالدى

نۇر- سۇلتان. قازاقپارات - جالعا بەرىلەتىن تۇرعىن ءۇيدى سۋبسيديالاۋعا ءوتىنىم قابىلدايتىن پلاتفورما ىسكە قوسىلدى، دەپ حابارلايدى قازاقپارات وتباسى بانكىنە سىلتەمە جاساپ.
None
None

سۋبسيديالاۋ باعدارلاماسىنىڭ 17000 قاتىسۋشىسى «وتباسى بانك» ا ق- نان ءوتىنىم بەرۋ پروتسەسىن تەستىلەۋگە قاتىسۋ تۋرالى SMS- شاقىرتۋ الدى. ءساۋىر ايىنىڭ ىشىندە ولار ونلاين رەجيمدە ءوتىنىم تاپسىرىپ، بانك ماقۇلداۋىن الۋلارى قاجەت. ونى otbasybank.kz پورتالىندا («باسپانا ماركەت» ماركەتپلەيسى) «جالعا الۋ اقىسىن سۋبسيديالاۋ» بولىمىندە جاساۋ كەرەك.

وتىنىمدەر قابىلداناتىن جانە وڭدەلەتىن ساندىق پلاتفورما - بىرەگەي، ونىڭ قازاقستاندا بالاماسى جوق. العاشقى وتىنىمدەر جولدانعان كەزدە قاتەلىكتەر بولۋى مۇمكىن، ولاردى IT ماماندار تەز ارادا جويىپ وتىراتىن بولادى. وتباسى بانك بۇل جاعدايلارعا تۇسىنىستىكپەن قاراۋدى سۇرايدى.

جالداۋ اقىسىن سۋبسيديالاۋ باعدارلاماسىنىڭ شارتتارىنا سايكەس كەلەتىن بارلىق قازاقستاندىقتار مامىر ايىندا otbasybank.kz پلاتفورماسىندا ءوتىنىم بەرە الادى.

ەستەرىڭىزگە سالا كەتەيىك، جالداۋ تولەمدەرى بويىنشا مەملەكەتتىك قولداۋعا ءتورت سانات بويىنشا كەزەكتە تۇرعان قازاقستاندىقتار ءوتىنىش بەرە الادى:

- 1 جانە 2 توپتاعى مۇگەدەكتەر؛

- مۇمكىندىگى شەكتەۋلى بالالارى بار نەمەسە ولاردى تاربيەلەپ وتىرعان وتباسىلار؛

- جەتىم جانە اتا- اناسىنىڭ قامقورلىعىنان ايىرىلعان بالالار؛

- كوپ بالالى وتباسىلار.

جالداۋ اقىسىن سۋبسيديالاۋعا ۇمىتكەرلەر قاتارىنداعى وتباسىلاردىڭ سوڭعى 6 ايداعى ورتاشا جيىنتىق تابىسى وتباسىنىڭ ءاربىر مۇشەسىنە شاققاندا 1 ەڭ تومەنگى كۇنكورىس دەڭگەيىنەن (1 ك م = 36018 تەڭگە 01.01.2022 ج. جاعداي بويىنشا) اسپاۋى ءتيىس.

- 2022 -جىلى ازاماتتارىمىزدى قولداۋعا 50 ميلليارد تەڭگە قاراستىرىلعان. ونىڭ 40 ميلليارد تەڭگەسىن رەسپۋبليكالىق بيۋدجەتتەن الۋ كوزدەلسە، 10 ميلليارد تەڭگەسىن جەرگىلىكتى اكىمدىكتەر بولەدى. بيۋدجەتتەن قارجىلاندىرۋ مامىر ايىندا كۇتىلۋدە. جاڭا باعدارلاما شامامەن 70000 ادامدى قامتىماق، ولار جالداۋ اقىسىنىڭ % 50 الادى. قازاقستاندىقتار قىسقا مەرزىمدە، كەزەكسىز ءوتىنىم بەرۋلەرى ءۇشىن ءبىز بۇكىل پروتسەستى ونلاين رەجيمىنە اۋداردىق»، - دەپ ءتۇسىندىردى «وتباسى بانك» ا ق باسقارما ءتورايىمى ءلاززات يبراگيموۆا.

سۋبسيديا الۋعا وتىنىمدەر ەلەكتروندىق سيفرلىق قولتاڭبا (ە س ق) كومەگىمەن قابىلدانادى. سوندىقتان ازاماتتار ونى الدىن الا الۋلارى نەمەسە قولدانىستاعى ە س ق- نىڭ جۇمىس ىستەپ تۇرعانىن تەكسەرلەرى كەرەك. تاعى ءبىر تالاپ - سۋبسيديا الۋعا ۇمىتكەر دەپوزيتى بار، وتباسى بانك كليەنتى بولۋى ءتيىس.

جيناق شوتى جوق ازاماتتار بەينەبانكينگ قىزمەتى نەمەسە وتباسى بانك موبيلدى قوسىمشاسى ارقىلى ونى اشا الادى. ىزىنشە سۋبسيديا الۋعا ۇمىتكەر otbasybank.kz پورتالىندا تىركەلىپ، جەكە كابينەتىندە ءوتىنىش جازا الادى. ول ءۇشىن، ەڭ الدىمەن، تولەمدەردى الۋ تۋرالى وتىنىشكە قول قويادى جانە جەكە دەرەكتەردى جيناۋعا جانە وڭدەۋگە كەلىسىم بەرەدى. قۇجاتتارعا قول قويىلعاننان كەيىن جۇيە دەرەكتەردى وڭدەپ، وتباسىنىڭ قۇرامىن انىقتايدى. سودان كەيىن كامەلەتتىك جاسقا تولعان ءاربىر وتباسى مۇشەسى otbasybank.kz سايتىندا «قوناق» رەتىندە تىركەلىپ، ە س ق ارقىلى جەكە دەرەكتەردى جيناۋ جانە وڭدەۋ كەلىسىمىنە قول قويۋى كەرەك. وسىدان كەيىن جۇيە دەرەكتەردى قايتادان تەكسەرىپ، ءوتىنىش بەرۋشىگە سۋبسيديا الۋعا كەلىسىم بەرەدى نەمەسە سەبەبىن ءتۇسىندىرىپ، ءوتىنىشىن كەرى قايتارادى.

ەگەر ءوتىنىش ماقۇلدانسا، حابارلامادا جالعا الۋ ايماعى، پاتەر اۋدانى، جالداۋ اقىسىنىڭ ماكسيمالدى مولشەرى مەن قاتىسۋشىعا تيەسىلى ەڭ جوعارى سۋبسيديا كولەمى كورسەتىلەدى. وسىدان كەيىن «پاتەر يەسى تۋرالى دەرەكتەر» بولىمىندە ءوتىنىش بەرۋشى جالعا بەرۋشىنىڭ ج س ن نەمەسە ب س ن كورسەتۋى كەرەك جانە وسى ساتتەن باستاپ پروتسەسس جالعا الىناتىن تۇرعىن ءۇيدىڭ يەسى قوسىلاتىن ەكىنشى كەزەڭگە وتەدى.

باسپانانى جالعا بەرۋشى دە otbasybank.kz سايتىندا ە س ق ارقىلى تىركەلىپ، «جالعا الۋ اقىسىن سۋبسيديالاۋ» بولىمىندە دەرەكتەرىن راستايدى. سونداي- اق جەكە دەرەكتەردى جيناۋ جانە وڭدەۋ تۋرالى وتىنىشكە قول قويىپ، جالعا بەرىلەتىن پاتەردىڭ كاداسترلىق ءنومىرىن جانە قاراجات اۋدارىلاتىن 20 ساندىق شوتتى كورسەتۋى كەرەك. وسىدان كەيىن جۇيە جالداۋ شارتىن جانە تولەم كەستەسىن جاساپ شىعادى، وعان تاراپتار ە س ق ارقىلى قول قويادى. سۋبسيديا الۋعا ءوتىنىش بەرۋشى جالداۋ شارتىن تىركەگەنى ءۇشىن 4810 تەڭگە كولەمىندە مەملەكەتتىك باج تولەيدى.

سودان كەيىن ونىڭ جەكە كابينەتىندە تولەم كەستەسى بار جالداۋ شارتى پايدا بولادى. جالدامالى باسپانانى قازاقستاندىقتار وزدەرى ىزدەيدى. وتباسى بانك جالدامالى تۇرعىن ءۇي سۋبسيدياسىن جالعا الۋ كەلىسىمشارتىنىڭ مەرزىمى اياقتالعانشا، اي سايىن اۋدارىپ وتىرادى. قۇجاتتىڭ كۇشىن مەرزىمىنەن بۇرىن جويۋعا، سونداي- اق جاڭا ءۇي يەسىمەن كەلىسىمشارت قۇرۋعا رۇقسات ەتىلگەن. بۇل جاعدايدا otbasybank.kz پورتالىندا ءوتىنىش بەرۋ پروتسەسى قايتادان جاسالادى.

وتباسى بانك جىل سايىن سۋبسيديا الۋشىلاردىڭ شارتتارعا ساي كەلۋىنە مونيتورينگ جۇرگىزىپ، تولەم ءتارتىبىن اي سايىن قاداعالاپ وتىرادى. ال جەرگىلىكتى اكىمدىكتەر جالدامالى ۇيلەر مەن وندا تۇرىپ جاتقان ازاماتتاردى كەمىندە توقسانىنا بىر رەت تەكسەرەتىن بولادى. باسپانانى جاقىن تۋىستاردان جانە جۇبايلاردان، ونىڭ ىشىندە بۇرىنعى جۇبايلارىنان جانە ەرلى- زايىپتىلاردىڭ تۋىستارىنان جالعا الۋعا، سونداي- اق قايتا جالعا وتكىزۋگە تىيىم سالادى.

ەسكە سالساق، قازاقستاندا 70 مىڭنان استام وتباسى تۇرعىن ءۇي جالداۋ اقىسىنا سۋبسيديا الادى.


سوڭعى جاڭالىقتار