بيىل وسكەمەندە ەلىمىزدەگى تۇڭعىش گەماتولوگيا ورتالىعى اشىلادى

وسكەمەن. قازاقپارات - وسكەمەن قالاسىندا ەلىمىزدەگى تۇڭعىش گەماتولوگيالىق ورتالىقتىڭ قۇرىلىسى جۇرگىزىلۋدە، دەپ حابارلايدى قازاقپارات ءتىلشىسى.

ش ق و اكىمدىگىنىڭ مالىمەتىنە سۇيەنسەك، وسكەمەندە ءتۇرلى كۇردەلى وتالاردى جاسايتىن ەلىمىزدەگى جالعىز گەماتولوگيالىق ورتالىقتىڭ قۇرىلىسى اياقتالۋعا جاقىن.

«بۇل ورتالىق حالىقارالىق ستاندارتتارعا ساي بولادى. مۇندا جوعارى دالدىكتەگى دياگنوستيكا مەن زەرتحانالىق زەرتتەۋلەردى جۇرگىزىلىپ قانا ەمەس، عىلىمي ءىس- شارالاردى وتكىزۋگە، پاتسيەنتتەردى ەڭ زاماناۋي جابدىقتى پايدالانا وتىرىپ ەمدەۋگە مۇمكىندىك بار. وندا بالالار مەن ەرەسەكتەرگە ارنالعان گەماتولوگيالىق بولىمشەلەر، جىلىك مايىن ترانسپلانتاتسيالاۋ، رادياتسيالىق دياگنوستيكا، رەانيماتسيا، گەنەتيكالىق زەرتحانا جانە ترانسفۋزيولوگيا ورتالىعى ورنالاسپاق»، - دەدى دانيال احمەتوۆ.

باس كورپۋستا كۇندىزگى ستاتسيونار مەن ەمحانا اشىلادى. قازىرگى ۋاقىتتا مەديتسينالىق كادرلاردى دايارلاۋ، دارىگەرلەردىڭ بىلىكتىلىگىن ارتتىرۋ ماسەلەسى پىسىقتالىپ جاتىر.

«بۇگىندە 29 دارىگەر يزرايلگە بارىپ، ءبىلىم الىپ جاتىر. ولاردىڭ كەيبىرى بالالار ونكوگەماتولوگياسى بويىنشا جۇمىس ىستەيدى. الداعى ۋاقىتتا باسقا ماماندار سانكت- پەتەربۋرگ پەن مينسك كلينيكالارىنا وقۋعا بارادى»، - دەدى ش ق و اكىمى.

اۆتور: تالعاتجان مۇحامەتبەك ۇلى