قازاقستان بيداي مەن ۇن ەكسپورتىنا شەكتەۋ قويدى

نۇر- سۇلتان. قازاقپارات - بۇل جايىندا اۋىل شارۋاشىلىعى ءمينيسترى ەربول قاراشوكەيەۆتىڭ جاڭا بۇيرىعىنان بەلگىلى بولدى، دەپ حابارلايدى قازاقپارات.
None
None

اۋىل شارۋاشىلىعى ءمينيسترىنىڭ 16- ساۋىردەگى №110 «قازاقستان رەسپۋبليكاسىنىڭ اۋماعىنان جەكەلەگەن تاۋارلاردى اكەتۋدىڭ كەيبىر ماسەلەلەرى تۋرالى» بۇيرىعىمەن بيداي مەن ۇن ەكسپورتىنا كۆوتا ەنگىزىلەدى.

قازىرگى ۋاقىتتا بۇيرىق ق ر ادىلەت مينيسترلىگىنە مەملەكەتتىك تىركەۋگە جولداندى. جوعارىدا كورسەتىلگەن بۇيرىق قولدانىسقا ەنگىزىلگەن كۇننەن 15- ماۋسىمعا دەيىن بيداي مەن ۇن ەكسپورتى بەكىتىلگەن كۆوتا كولەمى شەڭبەرىندە جۇزەگە اسىرىلادى:

- بيداي مەن مەسلينگە - 1 ميلليون توننا؛

- بيداي نەمەسە قارا بيداي ۇنىنا - 300 مىڭ توننا. بۇل رەتتە جوعارىدا كورسەتىلگەن بۇيرىقپەن بەكىتىلگەن ساندىق شەكتەۋلەردى (كۆوتالاردى) ءبولۋ قاعيدالارىنىڭ 5-تارماعىنا سايكەس، بيداي اكەتۋگە ارنالعان كۆوتانى بولۋگە، اكەتۋگە مالىمدەلگەن كولەمنەن % 10- ىن بەلگىلەنگەن باعا بويىنشا «ازىق- تۇلىك كەلىسىمشارت كورپوراتسياسى» ۇ ك» ا ق- عا وتكىزگەن ءوتىنىش بەرۋشىلەر جىبەرىلەدى (بيدايدىڭ تىركەلگەن باعاسى مەن ساپالىق كورسەتكىشتەرى، جۇمساق بيداي جەتكىزىلەتىن استىق قابىلداۋ كاسىپورىندارىنىڭ ءتىزىمى مەن مەكەنجايلارى جوعارىدا كورسەتىلگەن بۇيرىق قولدانىسقا ەنگىزىلگەننەن كەيىن مينيسترلىكتىڭ رەسمي ينتەرنەت- رەسۋرسىندا جاريالانادى).

سونىمەن بىرگە، بۇيرىق قولدانىسقا ەنگىزىلگەن كۇنگە دەيىن كەدەن زاڭناماسىنا سايكەس ەكسپورتتىڭ كەدەندىك ءراسىمى بويىنشا ورنالاستىرىلعان جانە شىعارىلعان تاۋارلار قازاقستان رەسپۋبليكاسىنىڭ اۋماعىنان كەدەرگىسىز اكەتۋگە جاتاتىنى تۋرالى حابارلايمىز. بۇيرىق قولدانىسقا ەنگىزىلگەن كۇنگە دەيىن كەدەندىك دەكلاراتسيا نەمەسە وزگە دە كەدەندىك قۇجاتتار تىركەلمەگەن تاۋارلارعا فيتوسانيتاريالىق سەرتيفيكاتتى رەسىمدەۋ جوعارىدا كورسەتىلگەن بۇيرىقپەن بەكىتىلگەن ساندىق شەكتەۋلەردى (كۆوتا) ءبولۋ تارتىبىنە سايكەس جۇزەگە اسىرىلادى.

سوڭعى جاڭالىقتار