الماتى تاۋلارىندا مۇزدىقتار ەرىپ جاتقان جوق - قالالىق ت ج د

الماتى. قازاقپارات - الماتى تاۋلارىندا مۇزدىقتاردىڭ ەرۋ پروتسەسى بايقالمايدى. بۇل تۋرالى قالا ماڭىنداعى تاۋلارعا اەروۆيزۋالدى شولۋ جۇرگىزۋ بارىسىندا بەلگىلى بولدى، دەپ حابارلايدى قازاقپارات ءتىلشىسى.
None
None

الماتى قالاسىنىڭ توتەنشە جاعدايلار دەپارتامەنتىنەن ءمالىم ەتكەندەي، الماتى قالالىق ت ج د، «قازسەلدەن قورعاۋ» م م، «قازگيدرومەت» ر م ك الماتى قالاسى بويىنشا فيليالىنىڭ ماماندارى شاھار ماڭىنداعى تاۋلاردى كەشەندى باعالاۋ ماقساتىندا اەروۆيزۋالدى تەكسەرۋ جۇرگىزدى.

«تاۋلاردا مۇزدىقتاردىڭ ابلياتسيا (ەرۋ) پروتسەسى بايقالمايدى. بارلىق مورەنالىق كولدەر قىسقى رەجيمدە بولۋىنا بايلانىستى قالا تۇرعىندارى مەن ينفراقۇرىلىمىنا قاۋىپ توندىرمەيدى»، - دەلىنگەن دەپارتامەنت حابارلاماسىندا.

ايتا كەتەيىك، اەروۆيزۋالدى شولۋ تەڭىز دەڭگەيىنەن 800-4200 مەتر بيىكتىكتە ءوتتى. ىلە الاتاۋى جوتاسى وزەندەرىنىڭ باسسەيندەرى بويىنشا اقسايدان تۇرگەنگە دەيىنگى بيىك تاۋلى مورەنالىق كولدەر مەن مۇزدىقتاردىڭ، سەل ويىقتارى مەن وشاقتارىنىڭ جاي- كۇيى زەرتتەلدى. الماتى قالالىق ت ج د تاۋلى جەرلەردە قار كوشكىنىنىڭ بايقالۋىنا بايلانىستى ازاماتتارعا تاۋ باۋرايلارىنا شىقپاۋدى ەسكەرتتى.

ەسكە سالايىق، كەشە كىشى الماتى شاتقالىندا جاراقاتتانعان جاسوسپىرىم قۇتقارىلعانىن جازعان بولاتىنبىز. سونداي- اق جاقىندا الماتى تاۋلارىندا قار كوشكىنى ءجۇرىپ، قار استىندا فرانسيا ازاماتى قازا تاپتى.

اۆتور: دۋمان ارعىنگەلدى


سوڭعى جاڭالىقتار