قىتايدىڭ تاعى ءبىر مەگاپوليسىندە كوروناۆيرۋسقا بايلانىستى لوكداۋن ەنگىزىلدى

بەيجىڭ. قازاقپارات - 13 ميلليون حالقى بار شيان قالاسىنىڭ (شەنسي پروۆينتسياسى، ق ح ر) بيلىگى سەنبىدەن سەيسەنبىگە دەيىن ءىشىنارا وقشاۋلاۋ ەنگىزۋ تۋرالى شەشىم قابىلدادى.
None
None

بۇل تۋرالى جەرگىلىكتى اكىمشىلىكتىڭ حابارلاماسىندا ايتىلعان، دەپ حابارلايدى قازاقپارات ءتىلشىسى.

تەرراكوتا جاۋىنگەرلەر ارمياسىمەن الەمگە بەلگىلى شيان قالاسىنىڭ ءىشىنارا جابىلۋىنا ونداعان كوروناۆيرۋس ينفەكسياسى سەبەپ بولدى. 15 - ساۋىردەگى جاعداي بويىنشا مەگاپوليستە COVID-19 ينفەكسياسىنىڭ 43 جاعدايى انىقتالدى.

وسى كەزەڭدە مەيرامحانالار، بارلار، سونداي- اق كوپتەگەن مادەني، سپورتتىق جانە ويىن- ساۋىق ورىندارى جابىلادى. الەۋمەتتىك بايلانىستارعا قاتاڭ شەكتەۋلەر ەنگىزىلۋدە. شيان تۇرعىندارىنا سيرەك جاعدايلاردى قوسپاعاندا، ۇيلەرىنەن شىعۋعا تىيىم سالىنادى. كومپانيالارعا ءوز قىزمەتكەرلەرىن قاشىقتان جۇمىس ىستەۋگە اۋىستىرۋعا كەڭەس بەرىلدى. قوعامدىق كولىك پەن تاكسيلەر قالا ىشىندە عانا جۇمىسىن جالعاستىرادى. جەرگىلىكتى بيلىك شەكتەۋلەردىڭ ىسكەرلىك ورتاداعى الەۋمەتتىك بەلسەندىلىككە اسەرىن ازايتۋعا ۋادە بەردى. شيان قالاسىندا الەمدەگى ەڭ ءىرى جارتىلاي وتكىزگىش وندىرۋشىلەردىڭ زاۋىتتارى ورنالاسقان.

ەستەرىڭىزگە سالا كەتەيىك، وتكەن جىلدىڭ جەلتوقسان ايىنىڭ سوڭىندا سيان ءبىر ايعا جۋىق ۋاقىتقا سوزىلعان كوروناۆيرۋسقا بايلانىستى لوكداۋن جاريالاعان بولاتىن. بۇعان دەيىن قىتايدىڭ ءبىرقاتار مەگاپوليستەرىندە كوروناۆيرۋستىڭ تارالۋىنا بايلانىستى وقشاۋلاۋ ەنگىزىلگەنى حابارلاندى. شەكتەۋلەر قىتايدىڭ وڭتۇستىگىندەگى گۋاندۋن پروۆينسياسىنداعى 17 ميلليون تۇرعىنى بار شەنچجەن مەگاپوليسىندە ەنگىزىلدى.

اۆتور: سماعۇلوۆا ەركەجان

سوڭعى جاڭالىقتار