پاندامان اتانعان قازاق جىگىتى حايناندا قىتاي ءتوراعاسىمەن كەزدەستى

حاينان. قازاقپارات - قىتاي ءتوراعاسى شي جينپيڭ جاقىندا حاينانداعى يانپۋ ەكونوميكالىق دامۋ ايماعىندا بولدى. وسى كەزەڭدە شي جينپيڭ سول جەردە جۇمىس ىستەيتىن قازاقستاندىق رۋسلان تولەنوۆپەن كەزدەستى.
None
None

شي جينپيڭمەن كەزدەسكەننەن كەيىن رۋسلان سينحۋا اگەنتتىگىنىڭ تىلشىسىنە:

«ءتوراعا مەنىمەن سويلەسەدى دەپ كۇتكەن جوقپىن. مەن ءۇشىن بۇل - ۇلكەن قۇرمەت» دەدى.

سينحۋا اقپارات اگەنتتىگىنىڭ حابارلاۋىنشا، شي جينپيڭ 2013 -جىلى قازاقستانعا رەسمي ساپارى كەزىندە رۋسلان جايلى اڭگىمەلەپ، ءسوز سويلەگەن.

2009 -جىلى 17 جاسىندا سول ەلگە جوعارى ءبىلىم الۋعا كەلگەن رۋسلان جىلىنا ەكى رەت قان بەرۋدى ادەتكە اينالدىرعان.

2013 -جىلعا دەيىن ول قىتايدا وتكىزگەن 4 جىلىندا جالپى 5 ليتر كولەمدە قان تاپسىرىپ ۇلگەرگەن، ال قانى تەرىس رەزۋس- فاكتورلى (Rh) قىتايلىقتاردىڭ سانى – نەبارى % 1-3.

رۋسلان وسىنداي سيرەك كەزدەسەتىن قان دونورى بولعاندىقتان كەز كەلگەن ۋاقىتتا كومەك بەرەتىنىن ايتىپ، الەۋمەتتىك جەلىلەردە جانە قان ورتالىقتارىنا تەلەفون ءنومىرىن قالدىرىپ وتىرعان.

ق ح ر ءتوراعاسى ول جايلى ەستىپ، قازاقستانعا رەسمي ساپارىندا رۋسلان وقيعاسىن قازاق- قىتاي دوستىعىنىڭ سيمۆولىنا اينالدىردى.


بۇل تاجىريبە رۋسلانعا ۇلكەن سىي- قۇرمەت اكەلدى. كوپتەگەن قىتايلىقتار رۋسلاندى «پاندامان» دەپ اتاپ كەتتى.

سەبەبى ونىڭ قان توبى - قىتايدىڭ ۇلتتىق قازىناسى پاندا سياقتى سيرەك جانە باعالى.

رۋسلان قىتايداعى وقۋىن اياقتاعاننان كەيىن حايناندا قالىپ، جۇمىس ىستەۋدى ءجون كوردى.

كوپتەگەن شەت تىلدەرىن مەڭگەرگەن رۋسلان 2019 -جىلى حاينان حالىقارالىق ەكونوميكالىق دامۋ بيۋروسىنىڭ جاھاندىق باسپا ءسوز قىزمەتكەرى بولدى.

ول نەگىزىنەن جاھاندىق ساۋداگەرلەرمەن بايلانىس ورناتۋعا جانە حاينان ەركىن ساۋدا پورتىن الەمگە تانىتۋعا جاۋاپتى.

2020 -جىلى حايناندا كوروناۆيرۋستىڭ اسەرىنەن قان تاپسىرۋ كولەمى ايتارلىقتاي قىسقاردى.

سيرەك كەزدەسەتىن قان توبىنا مۇقتاج جاندارعا كومەكتەسۋ ءۇشىن رۋسلان سول جىلى تاعى دا 400 م ل تەگىن قان تاپسىرعان.

«حاينان - قازىر مەنىڭ ەكىنشى مەكەنىم، مەن حايناننىڭ دامۋىنا ۇلەس قوسامىن دەپ ۇمىتتەنەمىن»، - دەدى ول سينحۋا اگەنتتىگىنە بەرگەن سۇحباتىندا.

اۆتور: مۇحتار مۇرات

سوڭعى جاڭالىقتار