الەم ەلدەرىنىڭ ءتولقۇجاتتارى نەگە ءتورت تۇستەن تۇرادى؟

نۇر- سۇلتان. قازاقپارات - الەمدە ءتولقۇجاتتاردىڭ ءتورت ءتۇسى باسىمدىققا يە: قىزىل، كوك، جاسىل جانە قارا. ءار ەل ەرەكشەلىكتەرىنە قاراي ءبىر تۇسكە تاڭداۋ جاسايدى.
None
None

ساياحاتقا كوپ شىعاتىن بولساڭىز، مەملەكەتتەردىڭ ءتولقۇجاتتارىنىڭ تۇستەرىن بىلە جۇرگەن ارتىق ەتپەيدى.

قىزىل
ەڭ كوپ تاراعان ءتۇس. بۇل ءتۇستى كوممۋنيستىك ەلدەر تاڭدايدى. سلوۆەنيا، قىتاي، سەربيا، رەسەي، لاتۆيا، رۋمىنيا، پولشا، گرۋزيا مەن ەۋرووداققا مۇشە مەملەكەتتەردىڭ (حورۆاتيادان باسقا) ءتولقۇجاتتارى قىزىل. سونىمەن قاتار، ەۋرووداققا كىرۋگە نيەتتى تۇركيا، ماكەدونيا، البانيا بىرنەشە جىل بۇرىن قۇجاتتارىن قىزىل تۇسكە اۋىستىرعان. بوليۆيا، كولۋمبيا، ەكۆادور مەن پەرۋ ازاماتتارى كۇرەڭ ءتۇستى ءتولقۇجات الادى.

كوك
قىزىلدان كەيىن كوپ تاراعان ءتۇس. كوك مۇقاباسى «جاڭا الەمدى» بىلدىرەدى. كاريب ەلدەرىنىڭ 15ءى كوك ءتۇستى ءتولقۇجات قولدانادى. بۇل تىزىمدە وڭتۇستىك امەريكا، برازيليا، ارگەنتينا، پاراگۆاي مەن قازاقستان دا بار.

جاسىل
مۇسىلمان ەلدەرىنىڭ كوپشىلىگىنىڭ قۇجاتى جاسىل ءتۇستى. ماسەلەن ماروككو، ساۋد ارابياسى، پاكىستان. سەبەبى جاسىل ءتۇس مۇحاممەد پايعامباردىڭ (س. ع. س) جاقسى كورگەن ءتۇسى. تىرشىلىكتىڭ، تابيعاتتىڭ سيمۆولى سانالادى.

سونداي- اق باتىس افريكا ەلدەرى: بۋركينا فاسو، نيگەريا، سەنەگال ەلدەرىنىڭ قۇجاتى جاسىل. مۇندا بۇل ولاردىڭ باتىس افريكا ەلدەرىنىڭ ەكونوميكالىق قاۋىمداستىعىنا مۇشە ەكەندىگىن بىلدىرەدى.

قارا
سيرەك كەزدەسەدى. بوتسۆانا، زامبيا، بۋرۋندي، گابونا، انگولا، چادا، كونگو، مالاۆي سىندى افريكا ەلدەرى قارا ءتۇستى ءتولقۇجات قولدانادى. جاڭا زەلانديانىڭ ۇلتتىق ءتۇسى قارا بولعاندىقتان قۇجاتى دا وسىنداي.



سوڭعى جاڭالىقتار