21:41, 15 - ءساۋىر 2022 | GMT +5
ساراپشى «كانەلوعا» ۇلكەن قاۋىپ تونگەنىن مالىمدەدى
نۇر-سۇلتان. قازاقپارات - WBC تۇجىرىمى بويىنشا الەمنىڭ بۇرىنعى چەمپيونى گريگوري دروزد وتانداسى دميتري بيۆول مەن مەكسيكالىق ساۋل «كانەلو» الۆارەس ايقاسىنا قاتىستى ويىن ايتتى، دەپ حابارلايدى «چەمپيونات».

«بيۆولدىڭ مۇمكىندىگى مول دەپ ەسەپتەيمىن. ول ساۋل ءۇشىن ەڭ قيىن قارسىلاس بولادى. «كانەلونىڭ» جاقسى قوزعالاتىن، ديستانتسيانى جاقسى ۇستايتىن بوكسشىلارمەن قيىندىعى بار. ال بيۆول سونداي. ول الۆارەسكە قاراپ قالىپ، قاشان ۇرادى ەكەن دەپ تۇرمايدى. ورىن اۋىستىرۋ مەن الدىڭعى قولىمەن ۇنەمى تۇرتپەكتەۋ بولادى. بۇل مەكسيكالىق ءۇشىن جاڭا ستيل. كوۆاليەۆتە ۇقساس ستيل بولدى، ءبىراق، سەرگەي فۋنكتسيونال جاعىنان دايىندالىپ ۇلگەرمەدى. سوندىقتان دميتري ۇلكەن قاۋىپ بولادى»، - دەيدى دروزد.