21:10, 15 - ءساۋىر 2022 | GMT +5
توتەنشە جاعدايلار مينيسترلىگىنىڭ شەنەۋنىكتەرى پارا الۋ كۇدىگىنە ءىلىندى
نۇر-سۇلتان. قازاقپارات - ق ر توتەنشە جاعدايلار مينيسترلىگىنىڭ اۋماقتىق ۆەدومستۆولارىنىڭ باسشىلارى پارا الدى دەگەن كۇدىككە ءىلىندى.

بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگىنەن ءمالىم ەتتى، دەپ حابارلايدى قازاقپارات.
الماتى وبلىسى بويىنشا توتەنشە جاعدايلار دەپارتامەنتى باستىعىنىڭ ورىنباسارىنا («ءۇي قاماققا الۋ» تۇرىندەگى بۇلتارتپاۋ شاراسى تاڭدالدى) جانە الماتى وبلىسى قاپشاعاي قالاسىنىڭ توتەنشە جاعدايلار ءبولىمىنىڭ باستىعىنا سىبايلاس جەمقورلىق قىلمىسىن جاسادى دەگەن ايىپ تاعىلدى.
«ولار ادامدار توبىندا الدىن الا ءسوز بايلاسۋ ارقىلى كازينو وكىلىنەن 1000 ا ق ش دوللارى سوماسىندا جالپى قامقورلىق ءۇشىن پارا الدى. تەرگەۋ جالعاسۋدا. قىلمىستىق پروتسەسسۋالدىق كودەكستىڭ 201-بابىنا سايكەس تەرگەۋ مۇددەسىنە وراي باسقا مالىمەتتەر جاريا ەتۋگە جاتپايدى»، - دەدى ۆەدومستۆودان.