ۇلىتاۋدان جاياۋ شىققان مارافونشى اقساقال قىزىلورداعا جەتتى
مارافونعا قاتىسۋشىنى ساليحيتدين ايتبايەۆ اتىنداعى كوركەمسۋرەت گالەرەياسىندا سىر ەلىنىڭ تۇرعىندارى قوشەمەتپەن قارسى الدى، دەپ حابارلايدى قازاقپارات.
اقساقالدى قالاعا كىرەبەرىستە وبلىستىق «ءداستۇر» قولونەر ورتالىعىنىڭ قىزمەتكەرلەرى مەن ءداستۇرلى ونەر جانە ەتنوپەداگوگيكا ورتالىعىنىڭ قىزمەتكەرلەرى، سونداي-اق جەدەل جاردەم بريگاداسى قارسى الدى.
دارىگەرلەر قاشىقتىققا قاراماستان مارافونشى ءوزىن جاقسى سەزىنەتىنىن ايتتى.
«مەنىڭ بۇل قىزىلورداعا العاش كەلۋىم. كۇن جىلى، ادامدار قوناقجاي. مەن ءۇشىن ساليحيتدين ايتبايەۆ اتىنداعى كوركەمسۋرەت گالەرەياسىندا سالتاناتتى قابىلداۋ ۇيىمداستىرىلدى. وبلىستىق «ءداستۇر» قولونەر ورتالىعىنىڭ، ءداستۇرلى ونەر جانە ەتنوپەداگوگيكا ورتالىعىنىڭ قىزمەتكەرلەرى ب ا ق وكىلدەرىمەن، مادەنيەت قىزمەتكەرلەرىمەن، ارىپتەستەرىممەن كەزدەسۋ ۇيىمداستىردى. مەنى تۇركىستاننان ارنايى كەلگەن قولونەرشى اقساقال پاحراددين قارسى الدى. بۇل مەن ءۇشىن كۇتپەگەن جاعداي بولدى»، - دەيدى مارافونشى.
سارسەنباي قوتىراشوۆ كەزدەسۋگە قاتىسۋشىلارعا ساپارىنىڭ ماقساتىن ايتىپ بەردى.
«قىزىلورداعا بارار جولدا 100 گە جۋىق ادامدى كەزدەستىردىم، اراسىندا كەيبىرەۋى عانا ۇلىتاۋدىڭ تاريحى، قىمىز مەرەكەسى تۋرالى بىلەدى ەكەن. مەن ولارعا ۇلىتاۋ جايلى ءبىراز اڭگىمە ايتتىم. سونداي-اق، سەگىز قولونەرشىنىڭ تەلەفون ءنومىرىن جازىپ الدىم. ساپارىمنىڭ سوڭىنا دەيىن ولاردىڭ سانى كەم دەگەندە 1000 عا جەتەدى دەپ ۇمىتتەنەمىن»، - دەيدى اقساقال.
ايتا كەتەيىك، سارسەنباي قوتىراشوۆ 31- ناۋرىزدا جولعا شىقتى. ونىڭ ماقساتى - ەلىمىزدىڭ باسقا وڭىرلەرىنىڭ تۇرعىندارىن ۇلىتاۋ اۋدانىنىڭ تاريحىمەن جانە كيەلى جەرلەرىمەن تانىستىرۋ، سونداي-اق قولونەرشىلەرمەن كەزدەسۋ.
ول قىزىلوردادان تۇركىستانعا، ودان ءارى شىمكەنتكە، تارازعا، سودان كەيىن بۇكىل ەل ارقىلى اقتاۋعا جەتۋدى جوسپارلاپ وتىر.
اقاساقال قاراشاعا دەيىن قازاقستاننىڭ بۇكىل وڭىرلەرىن ارالاۋدى كوزدەپ وتىر.
