جاڭا جوبا «ە-ءوتىنىش» وتىنىشتەردى ءبىر تەرەزە قاعيداتىمەن قابىلدايدى

نۇر-سۇلتان. قازاقپارات - «E-Otinish» وتىنىشتەردى ءبىر تەرەزە قاعيداتىمەن قابىلدايدى.

بۇل تۋرالى ستراتەگيالىق جوسپارلاۋ جانە رەفورمالار اگەنتتىگى ءتوراعاسىنىڭ ورىنباسارى ايگۇل شايىموۆا ايتتى، دەپ حابارلايدى قازاقپارات ءتىلشىسى.

«بيىل ءبىز E-Otinish اقپاراتتىق جۇيەسىن ىسكە قوسىپ، ازاماتتارمەن ءوزارا ءىس- قيمىلدىڭ جاڭا فورماتىنا كوشتىك. ءبىراق، ونى ءالى دە پىسىقتاۋ قاجەتتىگىن بايقادىق. سوندىقتان دا ەندىگى ۋاقىتتا ول وتىنىشتەردىڭ بارلىق ءتۇرىن قابىلداۋ ءۇشىن ءبىر تەرەزە رەتىندە ترانسفورماتسيالاناتىن بولادى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

اگەنتتىك ءتوراعاسىنىڭ اتاپ وتۋىنشە، پرەزيدەنت جارلىعىندا قاعاز ساتىپ الۋدى جانە ونىمەن بايلانىستى شىعىستاردى قىسقارتۋ قاجەتتىلىگى ايتىلعان. بۇل رەتتە اتالعان شىعىندار ءۇش ەسە قىسقاراتىن بولادى.

«تولىقتاي العاندا، جارلىقتا كوزدەلگەن ءىس-شارالار مەملەكەتتىك ورگانداردى قاعازسىز ورتانى قامتاماسىز ەتۋگە ىنتالاندىرادى جانە ءوزارا ءىس-قيمىلدىڭ تسيفرلىق فورماتىنا باسىمدىق بەرەدى»، - دەدى ايگۇل شايىموۆا.

اۆتور: مارلان جيەمباي