قىتاي كومپيۋتەر ويىندارىن تىكەلەي ەفيردەن رۇقساتسىز كورسەتۋگە تىيىم سالدى

قىتاي رەتتەۋىشىنىڭ مالىمەتىنشە، بۇل تىيىم كومپيۋتەرلىك ويىندار ارقىلى تىكەلەي ەفيردە تاراتىلاتىن قاتىگەزدىكپەن جانە جاسوسپىرىمدەردىڭ ويىن تاۋەلدىلىگىمەن كۇرەسۋگە باعىتتالعان. «قۇزىرەتتى ورگانداردىڭ ارنايى رۇقساتىنسىز كومپيۋتەرلىك ويىنداردى ينتەرنەتتە جانە اۋديوۆيزۋالدى جەلىلەردە تاراتۋعا قاتاڭ تىيىم سالىنادى. وسىعان بايلانىستى زاڭسىز ويىن كونتەنتىن كورسەتۋ ءۇشىن فيلمدەر مەن تەلەحيكايالاردى، ەسترادالىق شوۋلاردى، بەينە اعىندارى مەن قىسقا بەينە قىزمەتتەردى پايدالانۋعا بولمايدى»، - دەلىنگەن جاريالانىمدا.
سونداي-اق، بيلىك ستريمەرلەردىڭ ءتارتىبى كريتەرييلەرىن قالىپتاستىرۋعا ۇمتىلىپ جاتقانى ايتىلعان.
«ەتيكالىق نورمانى بۇزاتىنداردىڭ تىكەلەي ەفيردى پايدالانۋىنا جانە ولاردىڭ ەكراندا كورسەتىلۋىنە قاتاڭ تىيىم سالىنادى. مۇنداي ادامداردىڭ ەكراندا كورىنۋى قاداعالانادى»، - دەپ جازىلعان قۇجاتتا.
بۇدان باسقا، پايدالانۋشىلاردىڭ ويىن كونتەنتىنە ترافيگىن ۇلعايتۋعا تىيىم سالىندى جانە ينتەرنەت- پلاتفورمالارعا كامەلەتكە تولماعان پايدالانۋشىلاردى قورعاۋ تەتىگىن قالىپتاستىرۋعا نۇسقاۋ بەرىلدى. ەسكە سالايىق، بۇعان دەيىن قىتاي ۇكىمەتى وقۋشىلارعا جۇمىس كۇندەرى (جۇما، سەنبى، جەكسەنبىنى قوسپاعاندا) ۆيدەوويىن ويناۋعا تىيىم سالدى.
اۆتور: اقبوپە ءابدراسۋل