اش قارىنعا سۋ ءىشۋدىڭ پايداسى

نۇر-سۇلتان. قازاقپارات . سۋ - جەردەگى ءومىر كوزى. سۋدىڭ ادام دەنساۋلىعىنا پايداسى كوپ. سۋدى دۇرىس ءىشۋدىڭ بىرنەشە ەرەجەسىن بىلسەڭىز، ونىڭ پايداسىن ەسەلەۋگە بولادى.
None
None

كۇندە تاڭەرتەڭ اش قارىنعا ءبىر ستاقان جىلى سۋ ءىشۋدى ادەتكە اينالدىرساڭىز، اعزادا جاعىمدى وزگەرىستەر ورىن الادى.

1. اعزا تازارادى

تۇندە اعزا دەمالىپ قانا قويماي، توكسيندەردەن تازارادى. ال اش قارىنعا سۋ ءىشۋ بۇل پروتسەسكە كومەكتەسە تۇسەدى. وعان قوسا، جۇيەلى تۇردە سۋ ءىشۋ بۇلشىقەتتەر جاسۋشالارى مەن جاڭا ەريتروتسيتتەردىڭ وڭدەلۋىنە ىقپال ەتەدى.

2. كوڭىل كۇي جاقسارادى

اش قارىنعا ىشىلگەن سۋدىڭ توكسيندەردى شىعارۋ مەن اعزانى «ىسكە قوسۋ» قابىلەتى ادامنىڭ ەموتسيالىق جاعدايىنا دا جاعىمدى اسەر ەتەدى. سۋ جۇيكە جۇيەسىنە جاناما اسەر ەتە وتىرىپ، اشۋشاڭدىقتى باسادى جانە ۇيقىنى اشادى.

3. جۇرەك جۇمىسىنا كومەكتەسەدى

جۇرەك- قان تامىرلار جۇيەسى اۋرۋلارىنىڭ ەڭ كەڭ تاراعان تۇرلەرىنە ينفاركت پەن ينسۋلت جاتادى. ولار، ادەتتە، قانداعى سۇيىقتىق مولشەرى از بولعاندىقتان قان ۇيىقتارىنىڭ تۇزىلۋىنەن پايدا بولادى. جۇيەلى تۇردە اش قارىنعا سۋ ءىشۋ قانتامىرلار جۇيەسىنە جاعىمدى اسەر ەتەدى جانە ينسۋلت قاۋپىن تومەندەتەدى.

4. اسقازان- ىشەك جولى اۋرۋلارىن الدىن الادى

قىجىل نەمەسە اسقازان- ىشەك جولىنىڭ باسقا دا جاعىمسىزدىقتارى كوبىنە اسقازانداعى جوعارى قىشقىلدىلىقتىڭ سەبەبىنەن پايدا بولادى. ەگەر اش قارىنعا ۋاقىتىلى سۋ ىشسەڭىز، ول قىشقىلدى سۇيىلتادى جانە جاعىمسىز سەزىمدەردەن ارىلتادى. سونداي- اق اسقازان تاڭعى اسقا دايىندالادى.

5. زات الماسۋ جىلدامدايدى

ارىقتاعىسى كەلەتىندەر نەمەسە اسقازان جۇمىسىن رەتتەگىسى كەلەتىندەر ءۇشىن زات الماسۋ پروتسەسىن باقىلاۋ ماڭىزدى. ەگەر ول جەتكىلىكتى تۇردە جىلدام بولماسا، سۋدىڭ كومەگىنە جۇگىنۋگە بولادى. اش قارىنعا ىشىلگەن سۋ زات الماسۋ جىلدامدىعىن % 30- عا ارتتىرادى.

6. تەرى جاعدايى جاقسارادى

سىرتقى كەلبەتىڭىز جاقسى كورىنگەنىن قالاساڭىز، الدىمەن ىشكى جاعدايعا ءمان بەرۋ كەرەك. بۇل جەردە اعزانىڭ سۋ تەپە- تەڭدىگىن ۇستاپ تۇرۋ ماڭىزدى ءرول اتقارادى. ايتپەسە، تەرى قۇرعاقتانىپ، ەرتە اجىمدەر پايدا بولا باستايدى. كۇندە تاڭەرتەڭ اش قارىنعا ءبىر ستاقان سۋ ءىشۋ ارقىلى تەرى جاعدايىن جاقسارتۋعا بولادى.

7. شاش ساۋلىعىن ساقتايدى

اعزاعا سۋ جەتىسپەسە، ول شاشتىڭ سىرتقى جاعدايىنا، ونىڭ ءوسۋى مەن قالىڭدىعىنا نەگاتيۆ اسەر ەتەدى. سوندىقتان شاشىڭىز مىقتى بولۋى ءۇشىن جەتكىلىكتى تۇردە سۋ ءىشۋ كەرەك.

8. بۇيرەك اۋرۋلارىن الدىن الادى

بۇيرەكتەردىڭ ساۋ بولۋى اعزاداعى سۋ تەپە- تەڭدىگىنىڭ قالىپتى بولۋىمەن تىكەلەي بايلانىستى. اش قارىنعا جانە كۇنى بويى ۋاقىتىلى سۋ ءىشىپ تۇرۋ ءزار مولشەرىن ارتتىرادى. سونىڭ سەبەبىنەن بۇيرەكتەردە بولۋى مۇمكىن مينەرالدار سۇيىلادى. وسىلايشا، تاستار ءتۇزىلۋىنىڭ نەمەسە قابىنۋلار پايدا بولۋىنىڭ الدىن الۋعا بولادى.

9. يممۋنيتەت نىعايادى

كوپتەگەن اۋرۋلاردىڭ پايدا بولۋى تىكەلەي يممۋنيتەت جاعدايىمەن بايلانىستى. اش قارىنعا ىشىلگەن سۋ ليمفالىق جۇيەلەر تەڭگەرىمىنە جاعىمدى اسەر ەتەدى. ول ءوز كەزەگىندە اعزانى قاتايتىپ، ءتۇرلى اۋرۋلاردىڭ قوزدىرعىشتارىنا ءتوزىمدى بولۋىنا كومەكتەسەدى.


BAQ. KZ



سوڭعى جاڭالىقتار