بيىل اسكەري جيىندارعا قانشا ادام شاقىرىلاتىنى بەلگىلى بولدى
«2022 -جىلى 1500 اسكەري مىندەتتى اسكەري جيىندارعا شاقىرىلسىن»، - دەپ جازىلعان بۇيرىق جوباسىندا.
بۇل بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلمەك. قازاقستاندا اسكەري جيىندار اسكەري وقىتىلعان رەزەرۆتىڭ قۇرامىن تولىقتىرۋ جانە قازاقستاننىڭ قارۋلى كۇشتەرىنىڭ، باسقا دا اسكەرلەرى مەن اسكەري قۇرالىمدارىنىڭ جاۋىنگەرلىك جانە جۇمىلدىرۋ ازىرلىگىن ارتتىرۋ ماقساتىمەن تۇراقتى نەگىزدە وتكىزىلەدى.
جيىندارعا زاپاستا تۇرعان جانە دەنساۋلىق جاعدايى بويىنشا جارامدى اسكەري مىندەتتىلەردى ۇزاقتىعى ءبىر ايدان اسپاۋعا ءتيىس وقۋ جيىندارىنان وتۋگە شاقىرادى.
اسكەري جيىندار ۋاقىتىندا اسكەري مىندەتتىلەردىڭ جۇمىس ورنى مەن اتقاراتىن لاۋازىمى اسكەري بولىمگە دەيىن جانە كەرى قاراي جول ءجۇرۋ ۋاقىتىن قوسا العاندا ساقتالادى جانە رەسپۋبليكالىق بيۋدجەت ەسەبىنەن ورتاشا جالاقى تولەنەدى. سونىمەن قاتار اسكەري جيىنداردان جالتارعانى، سونداي-اق اسكەري جيىنداردان ءوتۋ كەزىندە اسكەري قىزمەت اتقارۋدىڭ بەلگىلەنگەن تارتىبىنە قارسى قۇقىق بۇزۋشىلىقتار جاساعانى ءۇشىن 5 ا ە ك (شامامەن 15900 تەڭگە) مولشەرىندە اكىمشىلىك ايىپپۇل تۇرىندە اكىمشىلىك جاۋاپكەرشىلىك كوزدەلگەن.
بۇعان دەيىن ق ر قورعانىس مينيسترلىگى نۇر-سۇلتان قالاسىندا جەڭىس كۇنىنە ارنالعان اسكەري پاراد ۇيىمداستىرىلمايتىنى ءمالىم ەتكەن ەدى.
اۆتور: ەسىمجان ناقتىباي
