ۋكرايناداعى جاعداي قازاقستاندىقتاردىڭ شەتەلدە دەمالۋىنا قانشالىقتى اسەر ەتتى؟

الماتى. قازاقپارات - ۋكراينادا اسكەري رەجيم ەنگىزىلگەندە، تۋريستىك اگەنتتىكتەردە سۇرانىس قىسقا مەرزىمگە تومەندەدى.

الايدا قازاقستاندىقتار ءۇشىن شەتەلدە دەمالۋ باعاسى وزگەرگەن جوق.

مۇنداي پىكىردى «Khan Turan Travel» تۋريستىك كومپانياسىنىڭ ديرەكتورى مۇنيرام احمەتوۆا ءبىلدىردى، دەپ حابارلايدى قازاقپارات ءتىلشىسى.

«ۋكرايناداعى جاعداي قازاقستان ازاماتتارىنىڭ شەتەلدە دەمالۋىنا ايتارلىقتاي اسەر ەتكەن جوق. باعاسى دا بۇرىنعىشا. باسىندا ءسال كىدىرىستەر بولدى. سودان كەيىن ءبارى قايتا قالپىنا ءتۇستى»، - دەدى تۋريستىك كومپانيا وكىلى.

سونىمەن قاتار ول قىستا بەلگىلى ءبىر جەڭىلدىكتەر كەزىندە كوپ بيلەت ساتىلىپ كەتكەنىن اتاپ ءوتتى. جازعا قاراي جەڭىلدىكتەر ازايادى. قازاقستاندىقتار كوبىنە تۇركيا، ەگيپەت، ب ا ءا- نە بارىپ دەم الاتىن كورىنەدى.

«ۋكرايناداعى جاعدايعا بايلانىستى ۇشىپ-قونۋدا ماسەلە تۋىندادى دەپ ايتا الامىز. ۇشۋ ۋاقىتى ۇزاردى، ويتكەنى بۇل ەلدى اينالىپ ءوتۋ كەرەك بولادى. مىسالى، ەگەر ءبىز بۇرىن دىتتەگەن جەرىمىزگە 5 ساعاتتا ۇشىپ بارساق، قازىر 7 ساعات ۇشامىز»، - دەپ قوستى م. احمەتوۆا.