تەننيستەن قازاقستان قۇراماسى العاش رەت دەۆيس كۋبوگىنىڭ جارتىلاي فينالىنا شىقتى

قازاقستان تەننيس فەدەراتسياسى ءمالىم ەتكەنىندەي، قازاقستاندىق جاس وسپىرىمدەر شيرەك فينالدا ازياداعى مىقتى قۇرامالاردىڭ ءبىرى - وڭتۇستىك كورەيانى ۇتتى.
باستاپقى ويىندا ءامىر ومارحانوۆ كورەيانىڭ ۇزدىك تەننيسشىسىن 6:3، 6:4 ەسەبىمەن جەڭىپ، كومانداسىن العا شىعاردى.
ەكىنشى باسەكەدە دانير قالدىبەكوۆ قارسىلاسىنا ەسە جىبەرىپ، تارازى باسى تەڭەستى.
جۇپتىق سىندا ءامىر ومارحانوۆ پەن ۆيتالي زاتسەپين شەشۋشى ۇپايدى قورجىنعا سالدى. جالپى ەسەپ - 2:1.
ەرتەڭ قازاقستاندىقتار ايماقتىق جارىستىڭ فينالىنا شىعۋ ءۇشىن ءۇندىستان قۇراماسىمەن تالاسادى.
ىرىكتەۋ سايىستارىندا ۇزدىك شىققان ءۇش كوماندا الەم چەمپيوناتىنا جولداما الادى.
ەسكە سالا كەتەيىك، بۇدان بۇرىن گەرمانيانىڭ ءبىرىنشى راكەتكاسى قازاقستانمەن ماتچتىڭ قيىنعا تۇسەتىنى تۋرالى ايتقانىن، الەكساندر بۋبليكتىڭ مونتە-كارلو ماستەرس تۋرنيرىنىڭ ءۇشىنشى اينالىمىنا شىعا الماعانىن جازعان بولاتىنبىز.
سونداي-اق قازاقستان - گەرمانيا ماتچىنىڭ جەرەبەسى تارتىلدى.