ۇ ق ش ۇ- عا مۇشە ەلدەر اسكەري قاۋىپسىزدىك ماسەلەسىن تالقىلادى

نۇر-سۇلتان. قازاقپارات - ۇجىمدىق قاۋىپسىزدىك تۋرالى شارت ۇيىمىنا (ۇ ق ش ۇ) مۇشە مەملەكەتتەر وكىلدەرى ۇيىم اۋماعىنداعى اسكەري قاۋىپسىزدىك ماسەلەلەرىن تالقىلادى.
None
None

قازاقپارات بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

ءمالىم ەتىلگەندەي، بەينەكونفەرەنسيا رەجيمىندە وتكەن كەڭەس بارىسىندا ۇيىمنىڭ جاۋاپكەرشىلىك ايماعىنداعى اسكەري قاۋىپسىزدىك ماسەلەلەرى، سونداي-اق داعدارىسقا دەن قويۋ تەتىكتەرىن جەتىلدىرۋ جانە ۇ ق ش ۇ- عا مۇشە مەملەكەتتەر قارۋلى كۇشتەرى اۆياتسياسىنىڭ حالىقارالىق ۇشۋلارىن ۇيىمداستىرۋ ماسەلەلەرى تالقىلاندى.

وتىرىسقا قازاقستان، ارمەنيا، بەلارۋس، قىرعىزستان، رەسەي، تاجىكستان قارۋلى كۇشتەرى باس شتابتارىنىڭ باستىقتارى، ۇ ق ش ۇ بىرىككەن شتابىنىڭ باستىعى، سونداي-اق ۇيىمعا مۇشە مەملەكەتتەر قورعانىس ۆەدومستۆولارىنىڭ وكىلدەرى قاتىستى.

قازاقستان رەسپۋبليكاسىنىڭ قارۋلى كۇشتەرىنەن قورعانىس ءمينيسترىنىڭ ءبىرىنشى ورىنباسارى - باس شتاب باستىعى گەنەرال-لەيتەنانت مارات قۇسايىنوۆ قاتىستى.

سونداي-اق تاراپتار 2022-جىلى ۇ ق ش ۇ ۇجىمدىق قاۋىپسىزدىك جۇيەسىنىڭ باسقارۋ ورگاندارىن، كۇشتەرى مەن قۇرالدارىن بىرلەسىپ دايارلاۋ ءىس-شارالارىن وتكىزۋ جوسپارىن ماقۇلدادى.

ەسكە سالايىق، الداعى كۇز ايلارىندا قازاقستان رەسپۋبليكاسىنىڭ «ماتىبۇلاق» پوليگونىندا ۇ ق ش ۇ اسكەرلەرى (ۇجىمدىق كۇشتەرى) ماتەريالدىق-تەحنيكالىق قامتاماسىز ەتۋ بولىمشەلەرىنىڭ «ەشەلون - 2022»، بارلاۋ كۇشتەرى مەن قۇرالدارىنىڭ «ىزدەستىرۋ-2022» ارنايى وقۋ-جاتتىعۋلارى مەن ۇ ق ش ۇ جەدەل دەن قويۋ ۇجىمدىق كۇشتەرىنىڭ «ءوزارا ءىس-قيمىل-2022» كوماندالىق-شتابتىق وقۋ-جاتتىعۋلارىن وتكىزۋ جوسپارلانعان.

سوڭعى جاڭالىقتار