15:29, 14 - ءساۋىر 2022 | GMT +5
ش ق و- داعى اباي مۋزەيىنە اقشوقىدان تابىلعان كونە قۇران كىتابى تابىستالدى
وسكەمەن. قازاقپارات - شىعىس قازاقستان وبلىسىنداعى اباي مۋزەيىنە اقشوقىدان تابىلعان قۇران كىتابى تابىستالدى، دەپ حابارلايدى قازاقپارات ءتىلشىسى.

ابايدىڭ «جيدەباي-ءبورىلى» مەملەكەتتىك مۋزەي-قورىعىنا 1888-1889-جىلدارى قازان قالاسىنداعى باسپادان جارىق كورگەن قۇران كىتابى تابىستالدى.
555 بەتتەن تۇراتىن قۇران كىتابى 1977-جىلى اقشوقىداعى قورىم قابىرعاسىنان تابىلعان. كىتاپتى مۋزەي قورىنا تەحنيكا عىلىمدارىنىڭ دوكتورى، ق. ساتپايەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ دوتسەنتى باقداۋلەت قۇمار اكەلىپ بەردى.
«قۇران كىتابىن مۋزەي قورىنا بەردىم. بۇل قۇران كىتابى وسىدان 1 عاسىردان استام ۋاقىت بۇرىن قازان قالاسىندا جارىق كورگەن. ونىڭ تاريحي قۇندىلىعى ەرەكشە»، - دەدى باقداۋلەت قۇمار.
ەندى قۇران كىتابى اباي مۋزەيىنىڭ قورىندا ساقتالاتىن بولادى.