قازاقستان مەن وزبەكستان اۆتوبۋس قاتىناسىن قايتا باستادى

نۇر-سۇلتان. قازاقپارات - وزبەكستاندا تاشكەنتتەن قازاقستان قالالارىنا اۆتوبۋس رەيستەرىنىڭ اشىلعانى تۋرالى جاريالاندى.

وزبەكستاننىڭ تۋريزم مينيسترلىگى بەس باعىت بويىنشا كەستە دايىندادى، - دەپ حابارلايدى Kaz.tengritravel.kz ءتىلشىسى جەرگىلىكتى ب ا ق- قا سىلتەمە جاساپ.

كۇن سايىن تاشكەنتتەن الماتىعا ءتورت اۆتوبۋس، ال نۇر-سۇلتان، قىزىلوردا، تۇركىستان جانە شىمكەنتكە ءبىر- بىردەن اۆتوبۋس جونەلتىلەتىن بولادى. تولىق كەستە مىناداي:

تاشكەنت - الماتى: 16:00, 17:00, 18:00, 19:30 (200 مىڭ سوم، ياعني 8 مىڭ تەڭگە).

تاشكەنت - قىزىلوردا: 19:00 (200 مىڭ سوم، ياعني 8 مىڭ تەڭگە).

تاشكەنت - نۇر-سۇلتان: 18:00 (350 مىڭ سوم، ياعني 14 مىڭ تەڭگە).

تاشكەنت - تۇركىستان: 19:00 (100 مىڭ سوم، ياعني 4 مىڭ تەڭگە).

تاشكەنت - شىمكەنت: 12:00 (60 مىڭ سوم، ياعني 2400 تەڭگە).

ۆەدومستۆونىڭ مالىمەتىنشە، اۆتوبۋستار «تاشكەنت» اۆتوۆوكزالىنان («المازار» مەترو ستانسياسى) شىعادى. بيلەتتەردى اۆتوۆوكزال كاسسالارىنان ساتىپ الۋعا بولادى.

بۇعان دەيىن وزبەكستان قازاقستانمەن شەكاراداعى شەكتەۋدى الىپ تاستاعان بولاتىن. تەك پ ت ر ادىسىمەن COVID-19-عا زەرتتەۋدىڭ تەرىس ناتيجەسى بار انىقتامانى نەمەسە قازاقستان اۋماعىندا تۇرۋعا ىقتيارحاتى بار قازاقستاندىقتار مەن شەتەلدىكتەرگە جانە شەتەلدىك ازاماتتارعا COVID-19-عا قارسى ۆاكسينالاۋدىڭ، رەۆاكسينالاۋدىڭ تولىق كۋرسىنان وتكەنى تۋرالى قۇجاتتى/پاسپورتتى مىندەتتى تۇردە ۇسىنۋى كەرەك دەگەن تالاپ ساقتالادى.