الماتىدا جاڭا ەكولوگيالىق اۆتوبۋستار جولعا شىقتى - فوتو

الماتى. قازاقپارات - الماتىنىڭ قوعامدىق كولىك پاركى گازبەن جۇرەتىن 105 جاڭا ەكولوگيالىق تازا جانە جايلى اۆتوبۋستارمەن تولىقتى. جاقىن ارادا تاعى 45 اۆتوبۋس جەتكىزىلەدى، دەپ حابارلايدى قازاقپارات ءتىلشىسى.

قالالىق اكىمدىكتىڭ باسپا ءسوز قىزمەتى ءمالىم ەتكەندەي، «ەۆرو-5» ەكولوگيالىق كلاسىنا جاتاتىن بۇل اۆتوبۋستاردىڭ سىيىمدىلىعى - 90 ادام. ەدەنى تومەن، ءۇش ەسىكتى اۆتوبۋستار كونديتسيونەرمەن، بەينەباقىلاۋ كامەرالارىمەن، ايالدامانى اۆتوماتتى داۋىستىق حابارلاۋ قۇرالىمەن جابدىقتالعان. سونداي-اق، جۇرگىزۋشىنىڭ شارشاعانىن تىركەيتىن تەتىگى، بەينەتىركەگىشى جانە پاندۋسى بار.

جاڭا اۆتوبۋستار جولاۋشىلار مەيلىنشە كوپ جۇرەتىن باعىتتاردا شىعارىلادى. جالپى، ءبىرىنشى جارتىجىلدىقتىڭ سوڭىنا دەيىن قوعامدىق كولىك پاركىنە 300 جاڭا اۆتوبۋس الىنادى. سونداي- اق، بيىل 250 گازبەن جۇرەتىن اۆتوبۋستى جەكە تاسىمالداۋشى قوسىمشا ساتىپ الادى. ەسكە سالا كەتسەك، الماتى وبلىسىندا اۆتوبۋس اۋدارىلىپ، بىرنەشە ادام اۋرۋحاناعا تۇسكەن بولاتىن.

اۆتور: الما مۇقانوۆا