الماتى تاۋلارىندا كوشكىن ءجۇرىپ، ەكى ادام قاردىڭ استىندا قالدى

الماتى. قازاقپارات - قۇتقارۋشىلار «مولودەجنىي» شىڭىندا قار كوشكىنىنىڭ استىندا قالعان ەكى ادامدى ىزدەستىرىپ جاتىر، دەپ حابارلايدى قازاقپارات ءتىلشىسى.

الماتى قالالىق توتەنشە جاعدايلار دەپارتامەنتىنىڭ مالىمەتىنشە، بۇگىن تۇسكى ساعات 13:28 شاماسىندا الماتى قالاسىنىڭ «109» قۇتقارۋ قىزمەتى مەدەۋ اۋدانى، تۇيىقسۋ جوعارى تاۋلى ايماعىندا «مولودەجنىي» شىڭىندا قار كوشكىنى تۇسكەنى تۋرالى اقپارات الدى.

الدىن الا اقپارات بويىنشا كوشكىن استىندا 2 ادام قالىپ قويعان. العاشقى ىزدەستىرۋ جۇمىستارىنا 109 قۇتقارۋ قىزمەتىنىڭ قۇتقارۋشىلارى جۇمىلدىرىلدى.

«قازىرگى ۋاقىتتا ت ج د باسشىلىعى مەن رەسپۋبليكالىق جەدەل قۇتقارۋ جاساعىنان، قازسەلدەن قورعاۋ، قۇتقارۋ قىزمەتىنىڭ ماماندارى وقيعا ورنىندا جۇمىس ىستەپ جاتىر. بارلىعى 26 ادام، 6 تەحنيكا، 2 كينولوگيالىق توپ جۇمىلدىرىلدى»، - دەپ حابارلادى ۆەدومستۆادان.