ا ە س سالىناتىن جاڭا ورىندار بەلگىلەنگەن جوق - ەنەرگەتيكا ءمينيسترى
«ستانسيانى كەز كەلگەن جەرگە سالۋعا بولمايدى. بۇل تەك ەكى- ءۇش ايدىڭ جۇمىسى ەمەس. سوندىقتان ونى جان- جاقتى قاراستىرعان ماڭىزدى. كادرلىق جانە سۋمەن جابدىقتاۋدان بولەك، تيكتونيكالىق جانە سەيسمولوگيالىق جاعىنان قاراۋ كەرەك. ازىرگە، جاڭا ورىنداردى ايقىندامادىق. ويتكەنى ستانسيا سالاتىن ورىندار كوپ بولمايدى. سوندىقتان زەرتتەۋ جۇمىستارىنىڭ تۇتاس كەشەنىن جۇرگىزۋ كەرەك. ياعني وسى جۇمىستار قانداي دا ءبىر قۇرىلىستىڭ الدىندا ەگجەي- تەگجەيلى اتقارىلادى»، - دەدى ب. اقشولاقوۆ ماجىلىستە تىلشىلەر ساۋالىنا جاۋاپ بەرە وتىرىپ.
ونىڭ سوزىنە قاراعاندا، قازىر ەكى ورىن قارالىپ جاتىر. ءبىر لوكاتسيا - بالقاش جاعى، ەكىنشىسى - كۋرچاتوۆ.
«الەم بويىنشا تانىمال تەحنولوگيالار تەك رەسەيدە عانا ەمەس، سونىمەن قاتار فرانسيا، ا ق ش، جاپونيا، وڭتۇستىك كورەيادا بار. قازىرگى كەزدە قىتايدىڭ دا تەحنولوگيالارى دامىپ كەلەدى. سونىڭ ىشىندە وزىق دەپ تانىلعانىن ءارى قاۋىپسىزىن تاڭدايمىز»، - دەيدى مينيستر.
وسى ورايدا ول اتوم ەلەكتر ستانسياسىنا قاتىستى تەك زەرتتەۋ جۇمىستارى ءجۇرىپ جاتقانىن ەسكە سالدى.
اۆتور: رۋسلان عابباسوۆ
