سەمەي پوليگونى ماڭىندا جارامدى جەرلەردىڭ ەداۋىر بولىگى پايدالانىلماي وتىر – مينيستر

نۇر- سۇلتان. قازاقپارات - سەمەيدە پوليگون جابىلعالى بەرى ءبىرقاتار پروبلەما انىقتالدى. بۇل تۋرالى ءماجىلىستىڭ جالپى وتىرىسىندا «سەمەي يادرولىق قاۋىپسىزدىك ايماعى تۋرالى» زاڭ جوباسىن تالقىلاۋ كەزىندە ق ر ەنەرگەتيكا ءمينيسترى بولات اقشولاقوۆ ءمالىم ەتتى، دەپ حابارلايدى قازاقپارات ءتىلشىسى.

«1949 -جىلعى 29- تامىزدا سەمەي سىناق پوليگونىندا العاشقى يادرولىق بومبا سىنالدى. 50 جىل ىشىندە پوليگوندا 456 يادرولىق سىناق وتكىزىلدى، جارىلىستاردىڭ جيىنتىق قۋاتى جاپونيانىڭ حيروسيما قالاسىنا تاستالعان يادرولىق زاريادتىڭ قۋاتىنان 250 ەسە ارتىق. 1991 -جىلى ەلىمىزدىڭ تۇڭعىش پرەزيدەنتى نۇرسۇلتان نازاربايەۆتىڭ جارلىعىمەن سەمەي يادرولىق سىناق پوليگونى جابىلدى. بۇگىنگى تاڭدا ونىڭ اۋماعى - شامامەن 18300 شارشى شاقىرىم. تاۋەلسىزدىك جىلدارى بۇرىنعى پوليگوندا، سونىڭ ىشىندە «دەگەلەڭ» تاۋ الابىندا، «بالاپان» جانە «تاجىريبە الاڭى» سىناق الاڭدارىندا جاپپاي قىرىپ- جويۋ قارۋىن تاراتپاۋ رەجيمىن قولداۋ بويىنشا اۋقىمدى جۇمىس جۇرگىزىلدى. پوليگون جابىلعالى بەرى ءبىرقاتار پروبلەمالىق ماسەلەلەر انىقتالدى»، - دەدى ب. اقشولاقوۆ.

ونىڭ ايتۋىنشا، بۇرىنعى سەمەي پوليگونىنىڭ جەرى ءۇش وبلىستىڭ جەرگىلىكتى اتقارۋشى ورگاندارىنىڭ قاراماعىنداعى بوسالقى جەرگە جاتادى، بۇل بوگدە ادامداردىڭ ءىس- ارەكەتتەرىن جانە وسى اۋماقتا بولىپ جاتقان وقيعالاردى باقىلاۋدى قيىنداتادى.

«پوليگوننىڭ نورماتيۆتەن تىس لاستانعان جەرلەرىن وڭالتۋ جانە قايتا قالپىنا كەلتىرۋ جۇمىستارى جۇرگىزىلمەيدى. سونداي- اق راديواكتيۆتى لاستانۋ دەڭگەيىنە تۇراقتى مونيتورينگ جۇرگىزىلمەۋىنە بايلانىستى راديواكتيۆتى زاقىمدانۋدىڭ جىلىستاۋى بويىنشا وزەكتى دەرەكتەر جوق. بۇگىنگى تاڭدا لاستانعان جانە تازا اۋماقتاردىڭ اراجىگى اجىراتىلماعاندىقتان جارامدى جەرلەردىڭ ەداۋىر بولىگى پايدالانۋسىز قالىپ وتىر»، - دەدى مينيستر.

اۆتور: رۋسلان عابباسوۆ