11:01, 13 - ءساۋىر 2022 | GMT +5
شاڭحاي ءبىر كۇندە كوروناۆيرۋس جۇقتىرعانداردىڭ ەڭ كوپ سانىن تىركەدى
بەيجىڭ. قازاقپارات - شاڭحايدا وتكەن تاۋلىكتە كوروناۆيرۋس جۇقتىرعان 26330 ادام تىركەلدى. بۇعان قىتاي حالىق رەسپۋبليكاسىنىڭ گيگيەنا جانە دەنساۋلىق ساقتاۋ مەملەكەتتىك كوميتەتىنىڭ سارسەنبىدە جاريالانعان مالىمەتتەرى دالەل، دەپ حابارلايدى قازاقپارات ءتىلشىسى.
ۆەدومستۆونىڭ مالىمدەمەسىندە ايتىلعانداي، سەيسەنبىدە انىقتالعان ۆيرۋس جۇقتىرعانداردىڭ ىشىندە كوروناۆيرۋس دياگنوزى تەك 1189 ادامدا راستالدى، قالعان 25141 ادام سيمپتومسىز تاسىمالداۋشىلار بولىپ شىققان.
ماتەريكتىك قىتايدا پاندەميا باستالعاننان بەرى COVID-19 دياگنوزى قويىلعانداردىڭ جالپى سانى 167 مىڭنان استى، 140 مىڭنان استام ادام جازىلىپ، اۋرۋحانالاردان شىعارىلدى، 4638 ادام قايتىس بولدى. كوروناۆيرۋستىڭ جاڭا تولقىنى ماتەريكتىك قىتايدىڭ اكىمشىلىك- اۋماقتىق بىرلىكتەرىنىڭ كوپشىلىگىن شارپىدى. 11- ساۋىردەگى جاعداي بويىنشا قىتايدا كوروناۆيرۋسقا قارسى جالپى 3,3 ميلليارد دوزا ۆاكسينا ەنگىزىلدى.
اۆتور: سماعۇلوۆا ەركەجان
