08:01, 13 - ءساۋىر 2022 | GMT +5
الاكولدەگى كاسىپكەرلەر سالىقتان جالتارماۋى ءتيىس - اكىم
وسكەمەن. قازاقپارات - شىعىس قازاقستان وبلىسىنىڭ اكىمى دانيال احمەتوۆ الاكولدەگى دەمالىس بازالارىنىڭ يەلەرى سالىقتى زاڭ شەڭبەرىندە تولەۋى تيىستىگىن مالىمدەدى، دەپ حابارلايدى قازاقپارات ءتىلشىسى.
بۇل جايلى ايماق باسشىسى ش ق و اكىمدىگىندە وتكەن جينالىس بارىسىندا ايتتى.
«مەملەكەتتىك كىرىستەر دەپارتامەنتىنە الاكول جاعالاۋىندا جۇمىس ىستەيتىن كاسىپكەرلەرمەن كەزدەسۋ وتكىزۋگە تاپسىرما بەردىم. پاندەميا كەزىندە ءبىز ولارعا ءتۇرلى جەڭىلدىكتەر جاسادىق. سوندىقتان، كاسىپكەرلەر الەۋمەتتىك جاۋاپكەرشىلىك تانىتىپ، سالىقتى زاڭ شەڭبەرىندە تولەۋى ءتيىس»، - دەدى ول.
ايتا كەتەيىك، دانيال احمەتوۆ وسىعان دەيىن دە الاكولدەگى شاعىن جانە ورتا بيزنەس وكىلدەرىنىڭ سالىقتان جالتارماۋ قاجەتتىگىن باسا ايتقان بولاتىن. بۇگىندە دەمالىس ورنىندا ءبىرقاتار ءىرى ينفراقۇرىلىمدىق جوبالار جۇزەگە اسىرىلعان. بىلتىر بۇل ماقساتتا 8 ميلليارد تەڭگەگە جۋىق قاراجات باعىتتالدى.
اۆتور: تالعاتجان مۇحامەتبەك ۇلى
