گەرمانيا - ەۋروپاداعى وتىن باعاسى ەڭ قىمبات ەلدىڭ ءبىرى

بريۋسسەل. قازاقپارات - گەرمانيا فەدەرالدى ستاتيستيكالىق باسقارماسىنىڭ مالىمەتى بويىنشا، ەلدەگى وتىن قۇنى ەۋروپاداعى ەڭ قىمبات باعالاردىڭ ءبىرى سانالادى، دەپ حابارلايدى قازاقپاراتتىڭ مەنشىكتى ءتىلشىسى.

4- ساۋىردەگى جاعداي بويىنشا، گەرمانيادا ديزەل وتىنىنىڭ ليترى - 2,06 ەۋروعا باعالانعان. بۇل - «super E5» ماركالى بەنزيننىڭ باعاسىنا تەڭ.

گەرمانيا - ە و- عا مۇشە ەلدەردىڭ ىشىندە ديزەلدىك وتىن قۇنى ەڭ قىمبات ءۇشىنشى مەملەكەت بولىپ وتىر.

ودان جوعارى باعانى تەك فينليانديا مەن شۆەتسيادان عانا كەزدەستىرۋگە بولادى. گەرمانيامەن كورشىلەس باسقا ەلدەردە ديزەل وتىنى ارزانىراق.

مىسالى، ليۋكسەمبۋرگتە - 1,76 ەۋرو، اۆستريادا - 1,84، فرانسيادا - 1,89 ەۋرو.

ال، ەۋرووداقتاعى ديزەل وتىنىنىڭ ەڭ تومەنگى باعاسى مالتادا.

وندا بۇل وتىن 1,21 ەۋرو تۇرسا، ماجارستاندا - ليترىن 1,42 ەۋروعا قۇيۋعا بولادى.

ايتا كەتەيىك، ق ر ەنەرگەتيكا ءمينيسترى بولات اقشولاقوۆ ءمالىم ەتكەندەي، كوكتەمگى ەگىس جۇمىستارىن جۇرگىزۋ ءۇشىن اۋىل شارۋاشىلىعى تاۋارىن وندىرۋشىلەرگە ديزەل وتىنى ارزانداتىلعان باعامەن ءبولىندى.