جۇرەك اۋرۋلارىنىڭ الدىن الاتىن ونىمدەر ءتىزىمى جاريالاندى
باسىلىمنىڭ مالىمەتىنشە، نوقات جۇرەك- قان تامىرلارى جۇيەسىنە پايدالى اسەر ەتەتىن زاتتارعا باي. كالي جانە دارۋمەندەرگە باي نوقات اعزاداعى حولەستەرين دەڭگەيىن تومەندەتۋگە كومەكتەسەدى.
كوفەنىڭ قالىپتى تۇتىنۋ جۇرەكتىڭ يشەميالىق اۋرۋى، جۇرەك جەتكىلىكسىزدىگى جانە ينسۋلت قاۋپىن ازايتادى.
مۇكجيدەك جۇرەكتىڭ يشەميالىق اۋرۋىنىڭ الدىن الاتىن انتيوكسيدانتتارعا باي. جيدەك سونىمەن قاتار قىزىل يەكتىڭ اۋرۋلارى، اسقازان جاراسى جانە قاتەرلى ىسىك قاۋپىن ازايتادى.
ءىنجىر جۇرەك- قان تامىرلارى اۋرۋلارىنىڭ سالدارىن جويا الادى.
زىعىر تۇقىمى ومەگا-3 ماي قىشقىلدارىنىڭ كوزى بولىپ تابىلادى. زىعىر بالىق پەن جاڭعاقتارعا جاقسى بالاما بولا الادى. ولاردىڭ قۇرامىندا ءارتۇرلى انتيوكسيدانتتار، ەستروگەندەر جانە جۇرەك جۇمىسىن جاقسارتاتىن قورەكتىك زاتتار بار.
چيلي بۇرىشى قۇرامىنداعى كاپسايتسيننىڭ ارقاسىندا قان قىسىمى مەن حولەستەرين دەڭگەيىن تومەندەتۋگە كومەكتەسەدى. ساراپشىلار ونى ءجيى جەۋگە كەڭەس بەرەدى.
ءزىمبىردى ۇنەمى تۇتىنۋ جۇرەك- قان تامىرلارى اۋرۋلارىنىڭ قاۋپىن ازايتادى، جوعارى قان قىسىمىن قالىپقا كەلتىرەدى جانە جۇرەكتىڭ يشەميالىق اۋرۋلارىنىڭ الدىن الادى.
گرەيپفرۋتتا تالشىق، كالي، ليكوپەن جانە حولين كوپ. قان قىسىمىن تومەندەتۋگە ارنالعان DASH ديەتاسىندا ۇسىنىلادى.
كوك شاي انتيوكسيدانتتارعا باي جانە تامىرلاردا بلياشكالاردىڭ پايدا بولۋىنا جول بەرمەيدى. ول سونداي- اق تومەن تىعىزدىقتاعى ليپوپروتەيندەردىڭ، حولەستەريننىڭ جانە تريگليتسەريدتەردىڭ دەڭگەيىن تومەندەتەدى.
بۇرشاق ماگنيگە، اقۋىزعا جانە فولي قىشقىلىنا باي. ول گوموتسيستەين دەڭگەيىن تومەندەتەتىن جانە ينسۋلت، جۇرەك اۋرۋى جانە قاتەرلى ىسىك قاۋپىن ازايتاتىن مايى تومەن جانە تالشىققا باي.
اسقاباق سۋپەرفۋد قاتارىنا جاتقىزۋعا بولادى. ول سالماق جوعالتۋعا ىقپال ەتىپ قانا قويمايدى، سونىمەن قاتار قان قىسىمىن قالىپقا كەلتىرۋگە كومەكتەسەدى، ويتكەنى ونىڭ قۇرامىندا بەتا- كاروتين، تالشىق، س دارۋمەنى، كالي جانە فيتوەستروگەن بار.
سونداي- اق ساراپشىلار ديەتاڭىزعا قىرىققابات، سارىمساق، جاسىمىق، بادام، انار، قىزىلشا، كۋركۋما، باكلاجان، بروككولي، اۆوكادو، كيۆي، شالعام سياقتى تاعامداردى قوسۋدى ۇسىنادى.
اقپارات دەرەككوزى: massaget.kz
