پەتروپاۆل اكىمى قالا اتىن وزگەرتۋ تۋرالى ونلاين- پەتيتسياعا قاتىستى ويىن ايتتى

نۇر-سۇلتان. قازاقپارات - پەتروپاۆل اكىمى بولات جۇمابەكوۆ قالانىڭ اتىن وزگەرتۋ تۋرالى ونلاين- پەتيتسياعا قاتىستى ويىن ايتتى.

جۇمابەكوۆ بۇل پەتيتسيانى مەملەكەت ەمەس، جەكە تۇلعا جاساعانىن اتاپ ءوتتى.

«مەن، قازىرگى ۋاقىتتا الەۋمەتتىك جەلىلەردە پەتروپاۆل قالاسىنىڭ اتاۋىن وزگەرتۋ تۋرالى ونلاين- پەتيتسيانىڭ جاقتاستارى مەن قارسىلاستارىنىڭ پىكىرتالاستارى ءجۇرىپ جاتقانىن بايقادىم. بۇل پەتيتسيانى جەكە تۇلعا مەملەكەتتىك ەمەس سايتتا جاساعانىن اتاپ وتكىم كەلەدى. مەملەكەتتىك ورگانداردىڭ بۇل باستاماعا قانداي دا ءبىر قاتىسى جوق. قالا اكىمدىگىنىڭ كۇن تارتىبىندە قايتا اتاۋ تۋرالى ماسەلە كوتەرىلمەگەنىن رەسمي تۇردە مالىمدەگىم كەلەدى»، - دەدى جۇمابەكوۆ Facebook-پاراقشاسىندا.

اكىم بۇل ماسەلە تۋىنداعان جاعدايدا دا، ونى قاراۋ قالادا تۇراتىن حالىقتىڭ پىكىرىن ەسكەرە وتىرىپ، ەلدىڭ ونوماستيكا سالاسىنداعى قولدانىستاعى زاڭناماسىنا سايكەس جۇرگىزىلەتىنىن ايتادى.

«سوندىقتان مەن ازاماتتاردى ءوزارا قۇرمەت كورسەتۋگە شاقىرامىن جانە الەۋمەتتىك جەلىلەردە پىكىر قالدىرۋ كەزىندەگى جاۋاپكەرشىلىك تۋرالى ەسكە سالعىم كەلەدى.

»جاڭا قازاقستاندا ءبىز ءاردايىم «ءار ءتۇرلى كوزقاراستار، ءبىراق ءبىرتۇتاس ۇلت» قاعيداتىن ۇستانۋىمىز قاجەت«، - دەپ ايتقان بولاتىن ەلىمىزدىڭ پرەزيدەنتى قازاقستان حالقىنا جولداۋىندا. ءبىزدىڭ قالامىزدىڭ تۇرعىندارى پرەزيدەنتپەن بىردەي پىكىردى ۇستانىپ جانە ءبىز ءبىر- بىرىمىزگە قاتىستى جوعارى مادەنيەت تانىتاتىنىمىزعا سەنىمدىمىن»، - دەدى اكىم.

Tengrinews.kz