وقۋشىلار مەن ۇستازدار كۇن سايىن كوروناۆيرۋسقا تەست تاپسىرادى

بەيجىڭ. قازاقپارات - قىتاي حالىق رەسپۋبليكاسىنىڭ شياڭگاڭ ارنايى اكىمشىلىك اۋدانىنىڭ بيلىگى (سارس، گونكونگ) وقۋشىلار مەن پەداگوگتەردەن كۇن سايىن كوروناۆيرۋسقا تەست تاپسىرۋدى تالاپ ەتەدى.

بۇل تۋرالى دۇيسەنبى كۇنى شياڭگاڭ اكىمشىلىگىنىڭ باسشىسى كەرري لام بريفينگ بارىسىندا ءمالىم ەتتى، دەپ حابارلايدى قازاقپارات مەنشىكتى ءتىلشىسى.

كەرري لامنىڭ ايتۋىنشا، ءداستۇرى فورماتتاعى وقۋ باستالعاننان كەيىن وقۋشىلار مەن ۇستازدار كۇن سايىن كوروناۆيرۋسقا تەست تاپسىرۋى ءتيىس.

ساباققا COVID-19 ناتيجەسى تەرىس شىققان وقۋشىلار مەن مۇعالىمدەر عانا قاتىسادى.

وقۋشىلار اراسىندا ك ۆ ي- گە تەست تاپسىرۋعا ارنالعان تەگىن 10 ميلليون جيىنتىق تاراتىلادى.

جەرگىلىكتى دەنساۋلىق ساقتاۋ ورگانىنىڭ مالىمدەمەسىندە ۆاكسينا الماعان وقۋشىلارعا سپورت جانە مۋزىكا سياقتى ساباقتان تىس ۇيىرمەلەرگە قاتىسۋعا رۇقسات ەتىلمەيدى.

ەگەر وقۋشىلار اراسىندا كوروناۆيرۋس جۇقتىرعاندار سانى %5 اسسا، ءداستۇرلى فورماتتاعى وقۋدى توقتاتۋ ماسەلەسى قارالادى.

شياڭگاڭدا 20- ساۋىردەن باستاپ جوعارى سىنىپ وقۋشىلارىنا، ال مامىردان باستاپ باستاۋىش سىنىپ وقۋشىلارىنا ساباق باستالادى.

جەرگىلىكتى ب ا ق- تىڭ مالىمەتىنشە، شياڭگاڭدا 12-19 جاس ارالىعىنداعى جاس وسپىرىمدەردىڭ %80 كوروناۆيرۋسقا قارسى ۆاكسيناتسيانىڭ تولىق كۋرسىنان ءوتتى.

بۇل كورسەتكىش 3-11 جاستاعى بالالار اراسىندا %30 قۇرايدى. رەسمي دەرەكتەرگە سايكەس، 10- ساۋىردەگى جاعداي بويىنشا گونكونگتە 1 مىڭنان استام ادام كوروناۆيرۋس جۇقتىرىپ، 56 سى قايتىس بولعان.

گونكونگتە قاۋىپتى ىندەتكە شالدىققانداردىڭ جالپى سانى 1,19 ميلليون ادامنان استى، 8557 ناۋقاس قايتىس بولدى.